బెంగళూరులోని ఓ జంట ఆదివారం అమెజాన్ యాప్‌లో ఆన్‌లైన్‌లో ఆర్డర్ చేసిన ప్యాకేజీలో పాము కనిపించడంతో షాక్ అయ్యారు. సాఫ్ట్‌వేర్ ఇంజనీర్‌లైన దంపతులిద్దరూ ఆన్‌లైన్‌లో ఎక్స్‌బాక్స్ కంట్రోలర్‌ను ఆర్డర్ చేశారు. అయితే వారి ప్యాకేజీలో ఉన్న కళ్లద్దాల నాగుపామును చూసి షాక్ అయ్యారు. విషపూరితమైన పాము అదృష్టవశాత్తూ ప్యాకేజింగ్ టేప్‌కు అంటుకుంది. దీంతో హాని కలిగించలేదు.
ప్యాకేజింగ్ కోసం ఉపయోగించే అంటుకునే టేప్‌లో ఇరుక్కుపోయిందని.. పేరు చెప్పడానికి ఇష్టపడని సర్జాపూర్‌కు చెందిన ఐటీ నిపుణులు దంపతులు చేసిన వీడియో వైరల్‌గా మారింది. ఈ ఘటనపై కంపెనీ విచారణ జరుపుతోందని అమెజాన్ ఇండియా ప్రతినిధి బుధవారం తెలిపారు.
ప్యాకేజీని డెలివరీ భాగస్వామి నేరుగా మాకు అందజేశారు. మొత్తం సంఘటనను కెమెరాలో బంధించాం. ఈ పాము కర్నాటకకు చెందిన అత్యంత విషపూరితమైన పాము జాతికి చెందిన అద్దాల నాగుపాము (నజా నజా)గా గుర్తించబడిందని చెప్పారు. పాము అంటుకునే టేపుకు తగిలిందని, మా ఇంట్లో లేదా అపార్ట్‌మెంట్‌లో ఎవరికీ హాని చేయలేదని దంపతులు తెలిపారు.
