తలపండిన వృద్ధుడు 14 ఏళ్ల బాలికను గర్భవతి చేశాడు.. ఆపై అబార్షన్..?

తలపండిన వృద్ధుడు 14ఏళ్ల మైనర్ బాలికను గర్భవతిని చేసిన దుర్ఘటన తమిళనాడులోని ఆంబూర్‌ జిల్లాలో చోటుచేసుకుంది. వావివరుసలు లేకుండా.. వయోబేధం లేకుండా కామాంధులు చిన్నారులపై, బాలికలపై, మహిళలపై, చివరి వృద్ధురా

తలపండిన వృద్ధుడు 14ఏళ్ల మైనర్ బాలికను గర్భవతిని చేసిన దుర్ఘటన తమిళనాడులోని ఆంబూర్‌ జిల్లాలో చోటుచేసుకుంది. వావివరుసలు లేకుండా.. వయోబేధం లేకుండా కామాంధులు చిన్నారులపై, బాలికలపై, మహిళలపై, చివరి వృద్ధురాళ్లపై కూడా విరుచుకుపడుతున్నారు. ఈ క్రమంలో 65 ఏళ్ల ఓ వృద్ధుడు 14 ఏళ్ల చిన్నారిపై పలుమార్లు అత్యాచారానికి పాల్పడ్డాడు. ఫలితం ఆ బాలిక గర్భం దాల్చింది.

వివరాల్లోకి వెళితే.. ఆంబూరుకు చెందిన 65 ఏళ్ల సలీమ్ అనే వ్యక్తి అరటి పండ్ల వ్యాపారం చేస్తున్నాడు. ఇతడికి షకీరా అనే భార్య ద్వారా తొమ్మిది మంది సంతానం ఉన్నారు. ఆంబూరులోని ఓ బంధువుల ఇంటికి అప్పుడప్పుడు సలీమ్ వెళ్ళి వచ్చేవాడు. అక్కడున్న 14 ఏళ్ల చిన్నారిపై పలుమార్లు అత్యాచారానికి పాల్పడ్డాడు. దీంతో 14ఏళ్ల బాలిక గర్భం ధరించింది. 

ఈ విషయం తెలుసుకున్న తల్లిదండ్రులు బాలికకు అబార్షన్ చేయించారు. ఆపై బాలిక తండ్రి పోలీసులకు ఫిర్యాదు చేశారు. కేసు నమోదు చేసుకున్న పోలీసులు చట్ట విరుద్ధంగా అబార్షన్ చేసిన వైద్యుడి అరెస్ట్ చేయడంతో పాటు.. అత్యాచారానికి ఒడిగట్టిన వృద్ధుడి కోసం గాలిస్తున్నారు.