Select Your Language

Notifications

webdunia
webdunia
webdunia
webdunia
Advertiesment

అక్కాచెల్లెళ్లతో ఆడుకున్నాడు... పెద్దమ్మాయితో సహజీవనం, చిన్నమ్మాయితో పెళ్లి

webdunia
సోమవారం, 24 ఫిబ్రవరి 2020 (17:58 IST)
పశ్చిమ బెంగాల్‌లోని కోల్‌కతాకు చెందిన ఒక వ్యక్తి ఇద్దరు అక్కాచెల్లెళ్ల జీవితాలతో ఆడుకున్నాడు. అక్కతో ఐదేళ్లు సహజీవనం చేసిన యువకుడు ఆమె చెల్లిని రసహ్యంగా వివాహం చేసుకున్నాడు. దీంతో బాధితురాలు పోలీసులను ఆశ్రయించడంతో వారు కేసు నమోదు చేసి దర్యాప్తు చేపట్టారు. 
 
కోల్‌కతాకు చెందిన ఒక యువతికి 2015లో ఒక యువకుడు పరిచయమయ్యాడు. కొద్దిరోజులకే ఇద్దరి మధ్య చనువు పెరిగింది. ఇంట్లో ఒప్పించి పెళ్లి చేసుకుంటానని నమ్మించిన యువకుడు ఆమెను శారీరకంగా లొంగదీసుకున్నాడు. అనేక ప్రాంతాలు తీసుకెళ్తూ ఐదేళ్ల పాటు యువతిని లైంగికంగా వాడుకున్నాడు. ఇటీవల పెళ్లి చేసుకోవాలని ఆమె కోరగా దాడి చేసి బెదిరింపులకు పాల్పడ్డాడు. యువకుడి తల్లి సైతం ఆమెపై దాడికి పాల్పడి.. తన కొడుకు జోలికి రావొద్దని హెచ్చరించింది.
 
కొద్దిరోజులుగా యువతితో అన్ని సంబంధాలు తెంచుకున్న యువకుడు ఆదివారం ఆమె చెల్లిని రహస్యంగా పెళ్లి చేసుకున్నాడు. ఈ విషయం తెలుసుకున్న బాధితురాలు పోలీసులకు ఫిర్యాదు చేసింది. దీనిపై కేసు నమోదు చేసుకున్న పోలీసులు యువకుడు, ఆమె తల్లిపై కేసు నమోదు చేసి దర్యాప్తు చేపట్టారు. రెండు కుటుంబాల నుంచి వాంగ్మూలం తీసుకున్న తర్వాత నిందితులపై చర్యలు తీసుకుంటామని పోలీసులు చెబుతున్నారు.

Share this Story:

Follow Webdunia Hindi

తర్వాతి కథనం

కరోనా వైరస్ వల్ల అప్పుల ఊబిలో కూరుకుపోతున్న చైనా కంపెనీలు