క్రికెట్ ఆడుకుంటుండగా గుండెపోటుకు గురవడం.. అలాగే జిమ్‌లో వర్కౌట్లు చేస్తుండగా గుండె పోటుతో ప్రాణాలు కోల్పోయే వారి సంఖ్య పెరుగుతుంది. తాజాగా మహారాష్ట్రాలోనూ ఇలాంటి విషాద సంఘటన చోటుచేసుకుంది. పింప్రి-చించ్‌వాడ్‌లోని ఓ జిమ్ సెంటర్‌లో వ్యాయామం చేస్తూ శుక్రవారం మిలింద్ కులకర్ణి (37) అనే వ్యక్తి గుండెపోటుతో కుప్పకూలి మృతిచెందాడు.
ఆరు నెలల క్రితం తన ఇంటికి సమీపంలోని జిమ్‌లో జాయిన్ అయిన కులకర్ణి.. వీలు దొరికినప్పుడల్లా అక్కడికి వెళ్లి వ్యాయామం చేసేవాడు. ఈ క్రమంలోనే శుక్రవారం కూడా జిమ్‌కు వెళ్లిన కులకుర్ణి వ్యాయామం చేస్తుండగా ఒక్కసారిగా కుప్పకూలిపోయాడు.
వెంటనే అతన్ని ఆస్పత్రికి తరలించగా గుండెపోటుతో మృతి చెందినట్లు వైద్యులు నిర్ధారించారు. ఈ ఘటనకు సంబంధించిన సీసీటీవీ వీడియో ఫుటేజ్ నెట్టింట వైరల్ అవుతోంది.
