16ఏళ్లకే ప్రేమ పెళ్లి.. పెళ్లి చేసుకున్న వ్యక్తి తల్లిదండ్రులతో వెళ్ళిపోయాడు.. బాలిక ఉరేసుకుంది..

16ఏళ్లే. అప్పటికే ప్రేమ పెళ్లి అయిపోయాయ్. కానీ తాను ప్రేమించి వివాహం చేసుకున్న వ్యక్తిని అతడి తల్లిదండ్రులు తీసుకెళ్లిపోవడంతో మనస్తాపానికి గురైన ఆ బాలిక ఉరేసుకుని ఆత్మహత్యకు పాల్పడిన ఘటన అడవితక్కెళ్ళప

16 ఏళ్లే. అప్పటికే ప్రేమ పెళ్లి అయిపోయాయ్. కానీ తాను ప్రేమించి వివాహం చేసుకున్న వ్యక్తిని అతడి తల్లిదండ్రులు తీసుకెళ్లిపోవడంతో మనస్తాపానికి గురైన ఆ బాలిక ఉరేసుకుని ఆత్మహత్యకు పాల్పడిన ఘటన అడవితక్కెళ్ళపాడు రాజీవ్‌ గృహ కల్ప సముదాయంలో చోటుచేసుకుంది. వివరాల్లోకి వెళితే.. రాజీవ్‌ గృహకల్పలో అనూష అనే బాలిక తన మేనత్త వద్ద ఉంటోంది. తల్లిదండ్రులు చనిపోవడంతో మేనత్తే ఆమెకు సర్వస్వం. 

కొన్ని నెలల క్రితం చౌడవరానికి చెందిన ఆనంద్‌ను అనూష విజయవాడలో వివాహం చేసుకుంది. అప్పటి నుంచి రాజీవ్‌ గృహ కల్పలోనే నాయనమ్మ వద్ద ఆ యువకుడితో కలిసి ఉంటోంది. ఈ వివాహం ఇష్టం లేని సదరు యువకుడి తల్లిదండ్రులు, బంధువులు పలుమార్లు అనూషను బెదిరించి.. తన కుమారుడిని బలవంతంగా తీసుకెళ్లిపోయారు. దీంతో మనస్తాపం చెందిన అనూష  ఉరేసుకుని ఆత్మహత్యకు పాల్పడింది. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.