తండ్రికి డబ్బిచ్చి... ఇంటర్ విద్యార్థిపై ఫాస్టర్ అత్యాచారం.. ఆడశిశువు జననం..
16ఏళ్ల అమ్మాయిపై కేథలిక్ ఫాస్టర్ పలుసార్లు అత్యాచారం చేసి గర్భవతిని చేసిన ఘటన కేరళ రాష్ట్రంలో చోటుచేసుకుంది. వివరాల్లోకి వెళితే.. కేరళ త్రిస్సూర్‌కు సమీపంలోని చాలక్కుడికి చెందిన కేథలిక్ ఫాస్టర్ ప్రాన్
16ఏళ్ల అమ్మాయిపై కేథలిక్ ఫాస్టర్ పలుసార్లు అత్యాచారం చేసి గర్భవతిని చేసిన ఘటన కేరళ రాష్ట్రంలో చోటుచేసుకుంది. వివరాల్లోకి వెళితే.. కేరళ త్రిస్సూర్‌కు సమీపంలోని చాలక్కుడికి చెందిన కేథలిక్ ఫాస్టర్ ప్రాన్సిస్ రాబిన్ వడక్కుం చెరి సెయింట్ సెబాస్టియన్ చర్చ్‌లో పనిచేస్తున్నాడు. ఈ ఫాస్టర్ కొట్టియూర్‌లోని ఐజేఎం హయ్యర్ సెకండరీ స్కూలులో ఇంటర్ చదువుతున్న 16 ఏళ్ల అమ్మాయిని లోబర్చుకుని అనేకసార్లు అత్యాచారానికి పాల్పడ్డారు.
అయితే బాధితురాలు పోలీసులకు ఫిర్యాదు చేసింది. తన తండ్రికి డబ్బులిచ్చి మరీ తనపై అత్యాచారానికి ఆ ఫాస్టర్ పాల్పడ్డాడని బాధితురాలు ఫిర్యాదు చేసింది. దీనిపై పోలీసులు కేసు నమోదు చేసుకుని దర్యాప్తు చేస్తున్నారు. అత్యాచారం బారిన పడిన బాధిత బాలిక గర్భవతి అయి సోమవారం రాత్రి ఆసుపత్రిలో అమ్మాయికి జన్మనిచ్చింది. ఇక నిందితుడైన ఫాస్టర్‌ను పోలీసులు అరెస్ట్ చేశారు. శిశువును అనాథ శరణాలయానికి తరలించారు.
