గంగ పాఱు నెపుడు కదలని గతితోడ
ముఱికి వాగు పాఱు మ్రోతతోడ
పెద్ద పిన్నతనము పేరిమి యీలాగు
విశ్వదాభిరామ..! వినురవేమ...!
తాత్పర్యం :
గంగానది గొప్పదైనప్పటికీ ప్రశాంతంగా ప్రవహిస్తుంది. అయితే చిన్నదైన మురికి కాలువ మాత్రం పెద్దగా శబ్దం చేస్తూ ప్రవహిస్తుంది. అలాగే... గొప్పగుణాలు కలిగినవారు చాలా ప్రశాంతంగా ఉంటారని, నీచులు పెద్దగా శబ్దం చేసే మురికి కాలువలాగే ఉంటారని ఈ పద్యంలో చెప్పాడు వేమన మహాకవి.
