ఎనుగుతోలు తెచ్చి యొన్నాళ్ళు నుదికిన
నలుపు నలుపేకాని తెలుపు కాదు
కొయ్యబొమ్మదెచ్చి కొట్టిన పలుకునా?
విశ్వదాభిరామ... వినుర వేమా...!!
తాత్పర్యం :
నల్లగా ఉండే ఎలుగుబంటి చర్మాన్ని తెచ్చి... ఓ సంవత్సరంపాటు ఉతికినా, దాని నలుపుపోయి తెల్లగా మారదు. ప్రాణంలేని కొయ్యబొమ్మను ఎంతగా కొట్టినా దానిచేత పలికించటం సాధ్యం కాదు. అలాగే... పుట్టుకతో దుర్మార్గుడైన వాడికి, ఎన్ని నీతులు బోధించినా, మార్చేందుకు ఎంతగా ప్రయత్నించినా... అతడి గుణం మాత్రం మారదని ఈ పద్యం యొక్క భావం.
