ఎంత సదివిన నేమివినిన తన
చింత యేల మాను సిరులేల కలుగు
ఇతర దూషణములు ఎడసిన గాక
అతి కాముకుడు గానియప్పుడు గాక
మతి చంచలము గొంత మానిన గాక
గతియేల కలుగు దుర్గతులేలమాను "ఎంత"
పరధనముల యాస పాసినగాక
అరిది నిందలులేని యప్పుడు గాక
విరసవర్తనము విడచిన గాక
పరమేల కలుగు నాపద లేలమాను "ఎంత"
వేంకటపతి నాత్మ వెదకిన గాక
కింక మనసున దొలగిన గాక
బొంకు మాట లెడసి పోయిన గాక
శంక యేలమాను జయమేల కలుగు "ఎంత"
