అందాల పాపాయి.. ముద్దుల తాతయ్య..!

పట్టంచు పావడాలు బోలెడన్ని పాపాయికి
పట్టెమంచం, పావుకోళ్లు చాలునంట తాతయ్యకి

అరటి పిలక అరటి పండు బోలెడన్ని పాపాయికి
బోడి పిలక విబూది పండు చాలునంట తాతయ్యకి

వంకీ జడలు కలకండలు బోలెడన్ని పాపాయికి
వంపు కర్ర కండువాలు చాలునంట తాతయ్యకి

జామకాయలు కజ్జికాయలు బోలెడన్ని పాపాయికి
పొడుము కాయ పడకకుర్చీ చాలునంట తాతయ్యకి

గుడుగుడు గుంచం గుండే రాగం అన్నీ పాపాయికి
గుండూ తుడుముడు గుళ్ళో పాటలు తాతయ్యకి

సిరి సిరి నవ్వులు చెమ్మచెక్కలు బోలెడన్ని పాపాయివి
ముసిముసి నవ్వులు చప్పరింపులు ముద్దుల తాతయ్యవి...!