ఆన్‌లైన వీడియో స్ట్రీమింగ్ ఫ్లాట్‌ఫాం దిగ్గజం యూ ట్యూబ్ క్రాష్ అయింది. దీంతో ప్రపంచ వ్యాప్తంగా దీని సేవలు ఒక్కసారిగా స్తంభించి పోయాయి. యూ ట్యూబ్ క్రాష్ కావడంతో వీడియోలు అప్‌లోడ్ చేయలేక, వీక్షించలేక అభిమానులు ఇబ్బందులు ఎదుర్కొన్నారు. యూ ట్యూబ్‌పై ఆధారపడి పనిచేసే ఇతర సేవలపైనా ఈ ప్రభావం పడింది.
అతి ప్రధానంగా యూట్యూబ్ టీవీ, మూవీస్, టీవీ షోలు వంటివి నిలిచిపోయాయి. వీడియోలు అప్‌లోడ్ చేస్తే లోడింగ్ అవుతున్నట్టు చూపిస్తోంది తప్పితే లోడింగ్ కావడం లేదు. ఆ తర్వాత ఎర్రర్ స్క్రీన్ కనిపిస్తోంది.
ఈ వ్యవహారంపై యూట్యూబ్ స్పందించింది. ఇది మీ ఒక్కరి సమస్యే కాదని, చాలామంది ఇటువంటి సమస్యనే ఎదుర్కొంటున్నట్టు తెలిపింది. సమస్య పరిష్కారం కోసం తమ టీం పనిచేస్తున్నట్టు వివరించింది. వివరాలను ఎప్పటికప్పుడు అప్‌డేట్ చేస్తామని పేర్కొంది. ప్రస్తుతం యూట్యూబ్ మళ్లీ యథావిధిగా పనిచేస్తుండడంతో అభిమానులు ఊపిరిపీల్చుకున్నారు.
