వోడాఫోన్ బంపర్ ఆఫర్.. రూ.7కే అపరిమిత కాల్స్ - రూ.16 అల్‌లిమిటెడ్ డేటా
దేశీయ టెలికాం రంగంలో నెలకొన్న ధరల పోటీ కారణంగా పలు ప్రైవేట్ కంపెనీలు తమ వినియోగదారులకు బంపర్ ఆఫర్లు ప్రకటిస్తున్నాయి. ఇప్పటికే రిలయన్స్ జియో తమ వినియోగదారులకు ఆరు నెలల పాటు ఉచిత కాల్స్, డేటాను అందిస్త
దేశీయ టెలికాం రంగంలో నెలకొన్న ధరల పోటీ కారణంగా పలు ప్రైవేట్ కంపెనీలు తమ వినియోగదారులకు బంపర్ ఆఫర్లు ప్రకటిస్తున్నాయి. ఇప్పటికే రిలయన్స్ జియో తమ వినియోగదారులకు ఆరు నెలల పాటు ఉచిత కాల్స్, డేటాను అందిస్తోంది. అలాగే, టెలికాం దిగ్గజం ఎయిర్‌టెల్ కూడా వివిధ రకాల ఆఫర్లను ప్రకటించింది.
ఈ నేపథ్యంలో... మరో ప్రైవేట్ కంపెనీ అయిన వోడాఫోన్ తన వినియోగదారులకు సరికొత్త ఆఫర్‌ను ప్రకటించింది. ప్రీపెయిడ్ కస్టమర్లు 16రూపాయలకే ఒక గంట పాటు 3జీ, 4జీ అపరిమిత డేటా సేవలను వినియోగించుకోవచ్చని తెలిపింది. కేవలం డేటా ప్యాక్ మాత్రమే కాదు. అన్‌లిమిటెడ్ లోకల్ వాయిస్ కాల్స్ కూడా 7రూపాయల స్పెషల్ రీచార్జ్‌తో ఒక గంట పాటు ఉచితంగా మాట్లాడుకోవచ్చని వొడాఫోన్ యాజమాన్యం ప్రకటించింది.
అయితే ఈ ఆఫర్ రెండు తెలుగు రాష్ట్రాల్లో ప్రస్తుతానికి అందుబాటులో లేదని, జనవరి 9 తర్వాత తెలుగు రాష్ట్రాల్లోని కస్టమర్లు కూడా ఈ స్పెషల్ ప్యాక్స్‌ను వినియోగించుకోవచ్చని తెలిపింది. ఈ స్కీమ్‌లో భాగంగా 5రూపాయలకే ఒక గంట పాటు అపరిమిత 2జీ సేవలను కూడా అందుబాటులోకి తెస్తున్నట్లు వొడాఫోన్ ప్రకటించింది.
