ఇండస్ యాప్‌స్టోర్ కొత్త రికార్డును సృష్టించింది. ఫోన్ పే నుంచి ప్రారంభమైన కొత్త ఆండ్రాయిడ్ ఆధారిత యాప్ స్టోర్, ప్రారంభించిన మూడు రోజుల్లోనే 100,000 డౌన్‌లోడ్‌లను అధిగమించడం ద్వారా గణనీయమైన మైలురాయిని సాధించింది.
ఈ అద్భుతమైన ఫీట్ సాధించడం ద్వారా భారతీయ మార్కెట్ డెవలపర్ సాధికారతకు అద్దం పడుతుందని ఇండస్ యాప్ స్టోర్ చీఫ్ ప్రొడక్ట్ ఆఫీసర్, సహ వ్యవస్థాపకుడు ఆకాష్ డోంగ్రే తెలిపారు. కేవలం మూడు రోజుల్లో లక్షకు పైగా డౌన్‌లోడ్‌లను చేరుకోవడం పట్ల ఆయన హర్షం వ్యక్తం చేసారు.
"ఇది ప్రారంభం మాత్రమే.. భారతదేశంలోని యాప్‌లకు గో-టు డెస్టినేషన్‌గా మార్చడానికి ఇండస్ యాప్‌స్టోర్‌ను నిరంతరం అభివృద్ధి చేయడానికి మేము కట్టుబడి ఉన్నాము" అని ఆకాష్ డోంగ్రే తెలిపారు.
