క్యాలెండర్ నెల వ్యాలిడిటీ ప్లాన్‌ను ప్రవేశపెట్టిన మొదటి టెలికాం ఆపరేటర్ కూడా జియోనే. నెలవారీ వ్యాలిడిటీతో ప్రీపెయిడ్ మొబైల్ రీఛార్జ్ ప్లాన్‌లను అందించాలని టెలికాం రెగ్యులేటరీ అథారిటీ ఆఫ్ ఇండియా (TRAI) టెల్కోలను ఆదేశించిన తర్వాత జియో ప్రీపెయిడ్ ప్లాన్ రూపొందించింది.
జియో యూజర్లలో ఏడాదిలో చేయాల్సిన రీఛార్జ్‌ల సంఖ్యను తగ్గించేందుకు ఈ దిశగా నిర్ణయం తీసుకున్నట్టు టెల్కో దిగ్గజం పేర్కొంది. రూ. 259 ప్లాన్ రిలయన్స్ జియో కొత్త, ఇప్పటికే ఉన్న యూజర్లకు అందుబాటులో ఉంది. ఈ ప్లాన్ వ్యాలిడిటీ రీఛార్జ్ నుంచి సరిగ్గా 1 నెల పాటు ఉంటుంది.
ఉదాహరణకు.. మీరు మీ జియో ఫోన్‌ని అక్టోబర్ 1న రీఛార్జ్ చేసుకుంటే.. మీ తర్వాతి రీఛార్జ్ తేదీ నవంబర్ 1 అవుతుంది. నెలలోని మొత్తం రోజుల సంఖ్యతో ప్లాన్ ప్రభావితం కాదని గుర్తించుకోవాలి.
