కోల్‌కతా నైట్‌ రైడర్స్‌ మిస్టరీ స్పిన్నర్ వరుణ్ చక్రవర్తికి ఐపీఎల్ 2021 ఓ పీడకలలా మారింది. ఎందుకంటే.. ఐపీఎల్ 2021తొలి దశలో అతడికే మొదటగా కరోనా సోకింది. అతడి నుంచి వివిధ జట్లలో ఆటగాళ్లకు పాజిటివ్గా తేలడంతో మొత్తం లీగ్నే వాయిదా వేశారు.
కరోనా సోకిన చాలా రోజుల తర్వాత కానీ వరుణ్ మహమ్మారి నుంచి కోలుకోలేదు. శారీరకంగా బలహీనంగా ఉండటంతో కోలుకోవడానికి అతడికి చాలా రోజులు పట్టాయి.
ఇక ఆదివారం (అక్టోబరు 10) వరల్డ్ మెంటల్ హెల్త్ డే సందర్భంగా కేకేఆర్ విడుదల చేసిన వీడియోలో.. ఆ చీకటి రోజులను వరుణ్ మరోసారి గుర్తుచేసుకున్నాడు. ఐపీఎల్ 2021 నీ వల్లే ఆగిపోయిందని, నువ్ చచ్చిపోయుంటే బాగుండేదని పలువురు నెటిజన్లు పోస్టులు చేశారని అతడు ఆవేదన వ్యక్తం చేశాడు.
