ఐపీఎల్ 2018: అదరహో.. అంబటి.. హైదరాబాద్‌పై చెన్నై ఘనవిజయం
ఐపీఎల్ 2018 టోర్నీలో భాగంగా, సన్ రైజర్స్ హైదరాబాద్ జట్టుపై చెన్నై సూపర్ కింగ్స్ విజయభేరీ మోగించింది. ఆ జట్టు బ్యాట్స్‌మెన్ అంబటి రాయుడు అదరిపోయే ఇన్నింగ్స్ ఆడాడు. ఫలితంగా చెన్నై విజయభేరీ మోగించింది.
ఐపీఎల్ 2018 టోర్నీలో భాగంగా, సన్ రైజర్స్ హైదరాబాద్ జట్టుపై చెన్నై సూపర్ కింగ్స్ విజయభేరీ మోగించింది. ఆ జట్టు బ్యాట్స్‌మెన్ అంబటి రాయుడు అదరిపోయే ఇన్నింగ్స్ ఆడాడు. ఫలితంగా చెన్నై విజయభేరీ మోగించింది.
ఆదివారం తొలుత బ్యాటింగ్‌ చేసిన సన్‌రైజర్స్‌ హైదరాబాద్ జట్టు 20 ఓవర్లలో 4 వికెట్లకు 179 పరుగులు చేసింది. శిఖర్‌ ధావన్‌ 49 బంతుల్లో 10 ఫోర్లు, 3 సిక్స్‌ల సాయంతో 79 పరుగులు చేయగా, విలియమ్సన్‌ 39 బంతుల్లో 5 ఫోర్లు, 2 సిక్స్‌ల సాయంతో 51 రన్స్ చేసింది.
ఆ తర్వాత 180 పరుగుల ఛేదనలో రాయుడు ప్రత్యర్థికి ఊపిరాడనీయలేదు. ఈ ఐపీఎల్‌లో గొప్ప బౌలింగ్‌ దళంగా పేరుపడిన సన్‌రైజర్స్‌కు చుక్కలు చూపించాడు. భువి బౌలింగ్‌లో సిక్స్‌తో మొదలు పెట్టిన అంబటి.. ఇక ఆగలేదు. పరుగులు ఇవ్వడంలో పిసినారులైన షకిబ్‌, రషీద్‌ఖాన్‌, కౌల్‌ బౌలింగ్‌నైతే ఉతికేశాడు. కౌల్‌ బౌలింగ్‌లో మిడ్‌ వికెట్‌ మీదుగా భారీ సిక్స్‌తో అర్థసెంచరీ చేసుకున్న రాయుడు.. రషీద్‌కూ ఓ సిక్స్‌ వడ్డించాడు.
ముఖ్యంగా, అంబటి రాయుడు 62 బంతుల్లో 7 ఫోర్లు, 7 సిక్స్‌ల సాయంతో 100 (నాటౌట్) సన్‌రైజర్స్‌ బౌలర్లను ఉతికారేశాడు. అలాగే, అతనితో పాటు వాట్సన్‌ 35 బంతుల్లో 5 ఫోర్లు, 3 సిక్స్‌ల సాయంతో చెలరేగడంతో 57 పరుగులతే చెలరేగిపోయాడు. ఫలితంగా సన్‌రైజర్స్‌ హైదరాబాద్‌ను 8 వికెట్లతో చిత్తు చేసిన చెన్నై (12 మ్యాచ్‌ల్లో 16 పాయింట్లు) పట్టికలో రెండో స్థానాన్ని నిలబెట్టుకుంది.
