'అఖిల్' సినిమా ఆలస్యం కావడానికి నేను నాన్నపై అసహనంతో వున్నానని.. పలు మాద్యమాల్లో ఆర్టికల్స్ వచ్చాయి. అవి చూసి నాకు ఇదో పెద్ద జోక్లా అనిపించిందని నాగార్జున తనయుడు అఖిల్ అంటున్నాడు. నితిన్ నిర్మాతగా వినాయక్ దర్శకత్వంలో ఆయన నటించారు. దీపావళి సందర్భంగా ఈ నెల 11న విడుదలకు సిద్ధంగా ఉంది. ఈ సందర్భంగా అఖిల్తో జరిపిన ఇంటర్వ్యూ విశేషాలు.
సీజీ వల్ల ఆలస్యమైందంటున్నారు.. అసలు ఈ కథకు అంతగా సీజీ అవసరమా?
(మంచి ప్రశ్న) గ్రాఫిక్స్ వర్క్ అనేది మన చేతిలో ఉండదు. సి.జి. ఒక డిఫరెంట్ వరల్డ్. ఈ సినిమాలో అండర్ వరల్డ్ యాక్షన్ ఎపిసోడ్, క్లైమాక్స్లో కదులుతున్న విమానంలో ఒక యాక్షన్ సీన్, చిరుత పులితో ఒక ఫైట్ ఉంటాయి. ఇవన్నీ వాస్తవంగా చేయలేం. ఈ యాక్షన్ ఎపిసోడ్స్ ఉండకపోతే కథలో హైప్ ఉండదు. వినాయక్ గారు ఇప్పటివరకు ఎవరు చేయని యాక్షన్ ఎపిసోడ్స్ చేయాలని ఇలా డిజైన్ చేశారు. అవి సి.జిలో మాత్రమే సాధ్యం. గ్రాఫిక్స్ వర్క్ లేట్ అవ్వడం వలన సినిమా రిలీజ్ డేట్ వాయిదా వేయాల్సి వచ్చింది.
ఆలస్యం కావడంపట్ల ఎలా ఫీలయ్యారు?
నెర్వెస్గా ఫీలయ్యాను. అప్పుడేకాదు.. 11న సినిమా.. 10వ తేదీ రాత్రి సరిగ్గా నిద్రపోనుకూడా.. ఎంతో యాంగైజిటీతో వుంటాను. ఫ్యాన్స్ నుంచి ఎలాంటి రెస్పాన్స్ వస్తుందో.. అని టెన్షన్ కూడా గురవుతాను.
'ది పవర్ ఆప్ జుయా' అనే టాగ్లైన్ అర్థమేమిటి?
అది దక్షిణాఫ్రికాయలో. జుయా అంటే సూర్యుడు. సూర్యుని పవర్ అని అర్థం. సినిమా చూస్తే.. అది ఎందుకు పెట్టామో మీకే తెలుస్తుంది.
ఎక్కువగా విదేశాల్లోనే తీయడానికి కారణం?
కథ ప్రకారమే తీయాల్సి వచ్చింది. తొలి సినిమాకే నేను చాలా ప్రదేశాలు తిరిగాను. ప్రపంచాన్ని తెలుసుకున్నాను.
రిలీజ్ డేట్ వాయిదా పడడంతో నాన్నగారిపై గొడవపడ్డారని వార్తలు వచ్చాయి?
నేను నాన్నగారితో గొడవ పడ్డానని చాలా ఆర్టికల్స్లో చదివాను. మేము ఈరోజు ఇంత కూల్గా సినిమా రిలీజ్ చేస్తున్నామంటే దానికి కారణం నాన్నే. ఆయనతో నేను గొడవ పడ్డానని వినగానే జోక్గా అనిపించింది. ఇది ఒక్కటే నీ జీవితం కాదు.. ఇంకా చాలా లైఫ్ ఉందని నన్ను ఎంతగానో ప్రోత్సహించారు. అనుకున్నదానికంటే లేట్గా రిలీజ్ చేస్తున్నామని మేము కంగారు పడుతుంటే ఎన్నో డైరెక్షన్స్ ఇచ్చారు.
పాటలో పడిపోయారని తెలిసింది?
అవును. నిజమే... ఇంట్రడక్షన్ సాంగ్లో బాగా కనిపించాలని ప్రేక్షకులను ఆకట్టుకోవాలని కష్టపడి చేసాం. ఆ సాంగ్ ఒక్కటే సుమారుగా 12 రోజులు, రోజుకి 18 గంటల చొప్పున పని చేశాం. ఆ పాట నిడివి 5 నిమిషాలు ఉంటుంది. పాట కోసం రిహార్సల్స్ చేస్తునప్పుడు కళ్ళు తిరిగినట్లుగా అనిపించింది. స్పెషల్ డైట్ చేయడం వలన అలా అనిపించింది. సాంగ్లో ఎక్కువ డాన్స్ ఉంటుంది.
డాన్స్లో ఎవరంటే ఇష్టం?
డాన్సు విషయంలో నాకు చిరంజీవి గారంటే చాలా ఇష్టం. ఆ తరువాత ప్రభుదేవా గారు అలానే ఈ సినిమాతో జానీ మాస్టర్ బాగా నచ్చారు. నేను సినిమాలో ఇంత బాగా డాన్సు చేసానంటే క్రెడిట్ అంతా జానీ మాస్టర్కే చెందుతుంది. నాన్నగారు నేను ఇప్పటివరకు డాన్సు చేయడం చూడలేదు. సినిమాలోనే మొదటిసారిగా చూసి నా కొడుకు ఇంత మంచి డాన్సరా అని షాక్ అయ్యారు.
యాక్షన్ చిత్రాలంటే ఇష్టమా?
నాకు యాక్షన్ సీన్స్, స్పోర్ట్స్ అంటే చాలా ఇష్టం. మూడు నాలుగు నెలలు థాయిలాండ్లో కిచా అనే మాస్టర్ దగ్గర యాక్షన్ సీక్వెన్సెస్ లో ట్రైనింగ్ తీసుకున్నాను. ఇది నా బిగినింగ్ స్టేజ్. సో.. ఒక్కొక సినిమా చొప్పున చేసుకుంటూ వెళ్ళాలనుకుంటున్నాను.
తాతగారి నుంచి ఏం నేర్చుకున్నారు?
తాతగారు ఎన్సైక్లోపీడియా. ఆయన నుండి ఒక సజెషన్ మాత్రమే తీసుకున్నానని చెప్తే అది తప్పవుతుంది. ఆయన అనుభవం అంతా నేను గుర్తుంచుకుంటాను.
నాగార్జున ఫ్యామిలీ అంటే లవర్ బాయ్ ఇమేజ్ చిత్రాలే చేస్తారు.. మరి మీరు ఎలాంటి పాత్రలు చేయాలనుకుంటున్నారు?
ఫలానా జోనర్లో చేయాలని ఎప్పుడు ఆలోచించలేదు. కొత్త హీరోను కాబట్టి నాకు కాన్ఫిడెన్స్ ఇచ్చే డైరెక్టర్తో, కథ కన్విన్సింగ్గా అనిపించే సినిమా చేయాలనుకున్నాను. అనుకున్నట్లుగానే మంచి కథతో, మంచి కాన్ఫిడెన్స్ ఇచ్చే డైరెక్టర్తో సినిమా చేసాను. ఆయన ఇచ్చిన నమ్మకం నాకు చాలా హెల్ప్ అయింది. ఈ మధ్యకాలంలో ఇంలాటి సినిమాలు రాలేదు. హీరోగా ఒక జోనర్లో మాత్రమే సినిమాలు చేయాలనుకోవట్లేదు. అన్ని జోనర్స్ను టచ్ చేయాలనుకుంటున్నాను. స్క్రిప్ట్ నచ్చితే ప్రయోగాత్మక చిత్రాల్లో కూడా నటిస్తాను. అలానే మల్టీ స్టారర్ చిత్రాల్లో కూడా నటిస్తాను.
బేసిక్గా క్రికెటర్గదా.. ఆ నేపథ్యంలో చేస్తారా?
ఇప్పటికే బాలీవుడ్లో.. అజారుద్దీన్.. నేపథ్యంలో చేయమని అడిగారు. ఇంకా ఫైనల్ కాలేదు. అయితే స్పోర్ట్స్ బేస్డ్ సినిమాలో నటించాలనుంది కాని మంచి కథ కుదరాలి. స్పోర్ట్స్కు సంబంధించిన నటులు, ప్లేయర్స్ కావాలి. రాజమౌళి గారు డైరెక్ట్ చేసిన 'సై' సినిమా ఒక్కటే మంచి స్పోర్ట్ కన్విన్సింగ్ చిత్రమనిపిస్తుంది. మంచి కథ దొరికితే ఖచ్చితంగా నటిస్తాను.
కమల్తో మీ అమ్మగారు నటిస్తున్నారు. ఎలా అనిపిస్తుంది?
అమ్మ(అమల) కమల్ హాసన్ గారితో నటించనుందని నాకు ఇంకా తెలియదు. 28 సంవత్సరాల తరువాత ఆ కాంబినేషన్ రిపీట్ అవుతుంది. నాకు చాలా సంతోషంగా ఉంది.
సయేషాతో డాన్స్ ఎలా అనిపించింది?
సయేషా మంచి టాలెంట్ ఉన్న అమ్మాయి. చాలా కాన్ఫిడెన్స్ ఉన్న పర్సన్. నాతో పోటీ పడి డాన్సు చేసింది. తనకు నాలుగైదు రకాల డాన్సులు వచ్చు.
ఆమెతో రొమాన్స్ చేసేటప్పుడు ఎలా అనిపించింది?
బాగానే వుంది. పెద్దగా ఎగ్జయిట్ అయేంత లేదు. సినిమా పరంగా చేశానంతే..
'శివ' సీక్వెల్లో నాన్నగారు, మీరు, చైతన్య నటిస్తున్నారనే వార్తలు వస్తున్నాయి?
నిజమా! నాకే తెలీదు.. అలాంటి కథ కుదరాలి గదా.
అమ్మ, నాన్న నటులుగదా.. మీకు ఎక్కువ సలహాలు ఎవరు ఇస్తుంటారు?
అమ్మ.. నా విషయంలో పెద్దగా పట్టించుకోదు. నాన్నగారు కొన్ని సలహాలు ఇస్తుంటారు. ఏవైనా జాగ్రత్తలు మాత్రం అమ్మగారు చెబుతారు అని ముగించారు.
