అమెరికా దేశానికి భారత దేశం మంచి దోస్త్ అని ఆ దేశ సెనేటర్, సెనేట్ ఇండియా కాకస్ కో ఛైర్మన్ జాన్ కార్నన్ చెప్పారు. భారతదేశం 63వ స్వాతంత్ర దినోత్సవ వేడుకలు జరుపుకుంటున్న సందర్భంగా అమెరికాలోని ప్రవాస భారతీయులకు ఆయన శుభాకాంక్షలు తెలిపారు.
ఇటీవలి కాలంలో అమెరికా-భారత దేశాలమధ్య దౌత్యసంబంధాలు పటిష్టంగా ఉన్నాయని, తమ సంబంధాలు మరింత గట్టిపడగలవని ఆయన ఆశాభావం వ్యక్తం చేశారు.
రానున్న రోజుల్లో తాము భారతదేశంతో మైత్రీ బంధాలను మరింత పటిష్టం చేసి వ్యాపార పరంగాకూడా అభివృద్ధి జరిగేలా ప్రయత్నిస్తామని ఆయన పేర్కొన్నారు.
