అమెరికాలోని పావురాలు తలపై టోపీలను ధరించి ఎగురుతున్నాయి. రోడ్లపై పావురాలు టోపీలతో తిరుగుతున్న దృశ్యాలు చూసే వారందరినీ ఆశ్చర్యంలో ముంచెత్తుతోంది. వివరాల్లోకి వెళితే.. అమెరికా, లాస్ వేగాన్ ప్రాంతానికి చెందిన పావురాలు కొన్ని ఎగురుతూ కనిపించాయి. ఈ పావురాలు ఎరుపు రంగుతో కూడిన కౌ-బాయ్ టోపీలను ధరించివున్నాయి.
వీటిని చూసిన ప్రజలు ఆశ్చర్యం వ్యక్తం చేశారు. వెంటనే ఆ టోపీలతో కూడిన పావురాలను కెమెరాల్లో ఫోటోలుగా, వీడియోలుగా బంధించారు. ఈ వ్యవహారంపై పక్షులకు సంబంధించిన పరిశోధకులు ఆరా తీస్తే.. ఎవరో పావురాలకు తగినట్లు టోపీలను సిద్ధం చేసి వాటికి తలపై అంటించినట్లు తెలుస్తోంది.
పావురాల తలపై గమ్‌తో టోపీలను అతికించడం ద్వారా వాటిని లాగడం వద్దని వదిలిపెట్టేసినట్లు తెలిసింది. అయినా కౌ-బాయ్ టోపీలను ధరించిన పావురాలను చూసేందుకు ప్రజలు ఎగబడుతున్నారు.
