ప్రస్తుతం చాలామంది ఫోన్‌లకు అతుక్కుపోతున్నారు. చిన్నాపెద్దా తేడాలేకుండా స్క్రీన్‌ల ముందు గంటల పాటు గడుపుతున్నారు. పిల్లలు కూడా అధికంగా ఫోన్ల ముందు గంటల పాటు గడుపుతున్నారు.
ఇలా గంటల పాటు ఫోన్ల ముందు కూర్చునే పిల్లల్లో లాంగ్వేజ్ స్కిల్స్ దెబ్బతింటుందని.. తాజా అధ్యయనంలో వెల్లడి అయ్యింది. వీడియో గేమ్‌లు, పిల్లల మెదడు అభివృద్ధిపై అతిపెద్ద ప్రతికూల ప్రభావాన్ని చూపుతాయని గురువారం ఒక అధ్యయనం తెలిపింది.
ఎస్టోనియాకు చెందిన శాస్త్రవేత్తలు 400 కంటే ఎక్కువ మంది పిల్లల తల్లిదండ్రులను వారి స్క్రీన్ వినియోగం, వారి పిల్లల భాషా నైపుణ్యాల గురించి సర్వే చేశారు.
ఫ్రాంటియర్స్ ఇన్ డెవలప్‌మెంటల్ సైకాలజీలో ప్రచురించబడిన పరిశోధనలు, స్క్రీన్‌లను ఎక్కువగా ఉపయోగించే తల్లిదండ్రులతో పాటు పిల్లలు ఉన్నారని వీరిలో లాంగ్వేజ్ స్కిల్ తగ్గిందని చెప్పారు.
రెండున్నర- నాలుగు సంవత్సరాల మధ్య వయస్సు గల 421 మంది పిల్లలపై జరిపిన సర్వేలో, ప్రతి కుటుంబ సభ్యులు వేర్వేరు స్క్రీన్ పరికరాలను ఉపయోగించి ప్రతిరోజూ ఎంతకాలం గడుపుతారో అంచనా వేయమని బృందం తల్లిదండ్రులను కోరింది.
ఈ పిల్లల భాషా అభివృద్ధిని విశ్లేషిస్తూ, స్క్రీన్‌లను తక్కువగా ఉపయోగించిన పిల్లలు వ్యాకరణం, పదజాలం రెండింటిలోనూ ఎక్కువ స్కోర్‌లు సాధించారని బృందం కనుగొంది. పిల్లల భాషా నైపుణ్యాలపై ఎలాంటి స్క్రీన్ వినియోగం సానుకూల ప్రభావం చూపలేదు.
ఈ-బుక్‌లు చదవడం, ఎడ్యుకేషనల్ గేమ్‌లు ఆడడం వంటివి ముఖ్యంగా పెద్ద పిల్లలకు భాషా నేర్చుకునే అవకాశాలను అందిస్తాయని తుల్విస్టే పేర్కొన్నారు.
