ట్రంప్-స్టామీకి శారీరక సంబంధం నిజమే.. అలా దగ్గరయ్యారు: ఫోటోగ్రాఫర్
అమెరికా అధ్యక్షుడు డొనాల్డ్ ట్రంప్- శృంగార తార స్టామీ డానియల్‌కు మధ్య సంబంధాలున్నాయంటూ మీడియా కోడైకూసింది. అయితే స్టామీ ఈ వార్తలను కూడా ధ్రువీకరించింది. ట్రంప్‌తో తనకు సంబంధాలున్నమాట నిజమేనని చెప్పిం
అమెరికా అధ్యక్షుడు డొనాల్డ్ ట్రంప్- శృంగార తార స్టామీ డానియల్‌కు మధ్య సంబంధాలున్నాయంటూ మీడియా కోడైకూసింది. అయితే స్టామీ ఈ వార్తలను కూడా ధ్రువీకరించింది. ట్రంప్‌తో తనకు సంబంధాలున్నమాట నిజమేనని చెప్పింది. అయితే డొనాల్డ్ ట్రంప్ ఈ వార్తలు ఖండించారు. ఆమెతో తనకు ఎలాంటి సంబంధం లేదన్నారు.
కానీ తాజాగా ఫోటోగ్రాఫర్ కెయిత్ మున్యాన్.. ట్రంప్- స్టామీ డానియల్‌కు సంబంధాలున్నట్లు తెలిపారు. ఈ విషయం బట్టబయలు చేయకుండా వుండేందుకు ట్రంప్ చేసుకున్న ఒప్పందానికి సాక్షులుగా సంతకాలు చేసిన వారిలో తానూ ఒకడినని ఫోటోగ్రాఫర్ తెలిపారు. 2006లో డొనాల్డ్ ట్రంప్ తొలిసారి స్టామీ డానియల్‌కు ఫోన్ చేశాడని చెప్పారు.
ట్రంప్ ఫోన్ చేసేటప్పుడు శృంగార తారలకు ఫోటోగ్రాఫర్ అయిన తాను కూడా ఇయర్ ఫోన్స్ చెవులో పెట్టుకుని విన్నానని తెలిపాడు. స్టామీ డానియల్ ట్రంప్‌తో సంబంధాలను ఏమాత్రం ఇష్టపడలేదని.. ట్రంప్ ఆమెకు తరచూ ఫోన్లు చేస్తుండేవాడని తెలిపారు. ఆ తర్వాత వారిద్దరూ దగ్గరయ్యారని, వారిద్దరి మధ్య శారీరక సంబంధం ఉందనేది మాత్రం నిజమని స్పష్టం చేశారు.
