యజమాని కాళ్లూ చేతులు నాకిన కుక్క... చేతులు-కాళ్లు తీసేశారు...

జంతువులకు విచిత్రమైన జబ్బులుంటాయన్న సంగతి మనకు తెలిసిందే. అంతేకాదు కీటకాలు, పక్షలు తదితర జీవుల నుంచి అంతుచిక్కని వ్యాధులు తగులుకోవడం కూడా మనం చూస్తూ వున్నాం. అలాంటి దురృష్టకర సంఘటన అమెరికాలో జరిగింది. తన పెంపుడు కుక్క ఎప్పటిలాగే అతడి చేతులు, కాళ్లూ న

జంతువులకు విచిత్రమైన జబ్బులుంటాయన్న సంగతి మనకు తెలిసిందే. అంతేకాదు కీటకాలు, పక్షలు తదితర జీవుల నుంచి అంతుచిక్కని వ్యాధులు తగులుకోవడం కూడా మనం చూస్తూ వున్నాం. అలాంటి దురృష్టకర సంఘటన అమెరికాలో జరిగింది. తన పెంపుడు కుక్క ఎప్పటిలాగే అతడి చేతులు, కాళ్లూ నాకింది. కొద్దిరోజులకే అతడికి తీవ్రమైన జ్వరం, అంతుచిక్కని వ్యాధి తగులుకుంది.

మరిన్ని వివరాలను చూస్తే...  అమెరికాలోని విస్‌కాన్సిస్‌లో నివాసముంటున్న 48 ఏళ్ల గ్రెగ్ మాంటెఫెల్ జూన్‌ నెలలో ఫ్లూ జ్వరంతో బాధపడ్డాడు. ఆ జ్వరం మరింత వేధిస్తుండటంతో సమీపంలోని మిల్వాకీ ఏరియా ఆస్పత్రికి వెళ్లాడు. అతడిని పరీక్షించిన వైద్యులు అతడు అరుదైన బ్లడ్ ఇన్ఫెక్షన్‌తో బాధపడుతున్నట్లు నిర్థారించారు. అతడి కాళ్లూ చేతులను కుక్క నాకడంతో అరుదైన అంటువ్యాధి సోకిందని తేల్చారు. 

ఈ ఇన్ఫెక్షన్ను అలాగే వదిలేస్తే ప్రాణానికే ప్రమాదం ఏర్పడవచ్చని వైద్యులు చెప్పడంతో శస్త్రచికిత్సకు అంగీకరించాడు బాధితుడు. ఇన్ఫెక్షన్ అతడి కాళ్లూచేతులకు సోకడంతో వాటిని తొలగించారు. ఇంకా ముక్కుకి కూడా సోకిందని తేలడంతో ముక్కుకి శస్త్ర చికిత్స చేశారు. ఇలా అతడికి మొత్తం ఏడు సర్జరీలు చేసారు. అయినప్పటికీ అతడు ఎంతో ధైర్యంతో వున్నాడు. కాగా కుక్క ద్వారా అంటుకున్న ఈ వ్యాధి చాలా అరుదైనదనీ, కాబట్టి పెంపుడు జంతువులు సాకేవారు ఆందోళన చెందాల్సిన పనిలేదని వైద్యులు చెపుతున్నారు.