విమానంలో ప్రయాణిస్తుండగా తన వద్ద బాంబు ఉందంటూ తోటి ప్రయాణికులను భయభ్రాంతులకు గురిచేసిన వ్యక్తిని అరెస్టు చేసిన పోలీసులు అరెస్టు చేశారు. ఆయన వద్ద ఆరా తీయగా ఆయన పాకిస్థాన్‌కు చెందిన నటుడని తెలిపారు. పోలీసులు వెల్లడించిన వివరాల ప్రకారం.. ముహమ్మద్ ఆరిఫ్ (45) అనే వ్యక్తి ఓ పాకిస్థాన్ నటుడు. 2002లో గాయకుడు అబ్రర్‌ ఉల్‌ హక్‌కు సంబంధించిన ఒక మ్యూజిక్‌ వీడియోలో కూడా కనిపించాడు. ప్రస్తుతం అతడు నటనకు దూరంగా ఉన్నాడు. సోమవారం ఆస్ట్రేలియాలోని సిడ్నీ ఎయిర్‌పోర్టు నుంచి కౌలాలంపుర్‌కు బయలుదేరిన విమానంలో ఆరిఫ్ ప్రయాణించాడు.
విమానం టేకాఫ్‌ అయిన కాసేపటికి విమానాన్ని పేల్చేస్తానంటూ గట్టిగా అరుస్తున్న వీడియో నెట్టింట్లో వైరల్‌గా మారింది. అతడి బెదిరింపులకు ప్రయాణికులంతా ఒక్కసారిగా షాక్‌కు గురయ్యారు. అప్రమత్తమైన సిబ్బంది అతడి లగేజీని తనిఖీ చేయగా.. ఎలాంటి పేలుడు పదార్థాలు లభించలేదు. ముందు జాగ్రత్తగా విమానాన్ని వెనక్కి మళ్లించి అత్యవసరంగా అందరినీ దించేశారు.
అందులోని ప్రయాణికులను పోలీసులు నిందితుడిని కస్టడీలోకి తీసుకున్నారు. దీంతో మలేసియన్‌ ఎయిర్‌లైన్స్‌ ప్రయాణికులను మరో విమానంలో తమ గమ్యస్థానాలకు పంపేందుకు ఏర్పాట్లు చేసిన విషయం తెలిసిందే. పోలీసుల విచారణలో ఈ వ్యక్తి గురించి పూర్తి వివరాలు వెలుగులోకి వచ్చాయి. ఆరిష్‌ కొన్ని రోజులుగా మానసిక అనారోగ్యంతో బాధపడుతున్నాడని అతడి న్యాయవాది తెలిపారు. అంతేకాకుండా, ఆరిఫ్‌కు యూట్యూబ్‌ ఛానెల్‌ కూడా ఉంది.
