నార్వేలో హెలికాప్టర్ కుప్పకూలడంతో 13 మంది మృత్యువాతపడ్డారు. టురోయి ద్వీపకల్పం సమీపంలో ఈ ప్రమాదం జరిగింది. ఈ దుర్ఘటనలో హెలికాప్టర్ పూర్తిగా ధ్వంసమైంది. 13 మందితో వెళ్తున్న హెలికాప్టర్ నార్వే పశ్చిమతీరంలోని బెర్జెన్ నగర సమీపంలో సముద్రంలో ఉన్న ఓ ద్వీపంలో శుక్రవారం కూలిపోయింది. మృతులందరూ స్టాట్‌ఆయిల్ సంస్థకు చెందిన ఉద్యోగులని తెలుస్తోంది.
వీరిలో 13 మంది మరణించగా, ఇద్దరి కోసం రెస్క్యూ టీం గాలింపుచర్యలు చేపట్టారు. మరణించిన వారిలో తొమ్మిది మంది నార్వేకు చెందిన వారు కాగా, ఒకరు బ్రిటన్, మరొకరు ఇటలీకి చెందిన వారు ఉన్నారు. వీరిలో ఎవరూ ప్రాణాలతో లభించలేదని సహాయక సిబ్బంది తెలిపారు. హెలికాప్టర్ బ్రేజ్ చమురు క్షేత్రం నుంచి కార్మికులను బెర్జెన్ నగరానికి తీసుకొస్తుండగా ఈ ప్రమాదం చోటుచేసుకుంది. ఈఘటనపై నార్వే ప్రధాని ఎర్నాసోల్‌బెర్గ్ దిగ్బ్రాంతి వ్యక్తంచేశారు. ప్రమాదానికి గల కారణాలు తెలియాల్సి ఉంది.
