మొనాలిసా ఆఫ్ ఆఫ్గాన్ అరెస్ట్.. పాకిస్థాన్ నకిలీ గుర్తింపు కార్డు కలిగివుండటంతో..
పాకిస్థాన్ నకిలీ గుర్తింపు కార్డు కలిగి వున్న ఆరోపణలపై ఆకుపచ్చ కళ్ల 'అఫ్గాన్ బాలిక' షర్బత్ గులాను పోలీసులు అరెస్ట్ చేశారు. 1984లలో అఫ్గాన్ వలసలకు సజీవ సాక్ష్యంగా గులా నిలిచింది. ఈమెకు 12 ఏళ్లు ఉన్నపుడ
పాకిస్థాన్ నకిలీ గుర్తింపు కార్డు కలిగి వున్న ఆరోపణలపై ఆకుపచ్చ కళ్ల 'అఫ్గాన్ బాలిక' షర్బత్ గులాను పోలీసులు అరెస్ట్ చేశారు. 1984లలో అఫ్గాన్ వలసలకు సజీవ సాక్ష్యంగా గులా నిలిచింది.
ఈమెకు 12 ఏళ్లు ఉన్నపుడు 1985లో నేషనల్ జియోగ్రఫిక్ మేగజీన్ తన కవర్‌పేజీపై ఈమె ఫొటోను ప్రచురించింది. దీంతో గులా ప్రపంచం దృష్టిలో పడింది. 'మొనాలిసా ఆఫ్ ఆఫ్గాన్'గా ఘనత సాధించింది.
శరణార్థుల శిబిరంలో స్టీవ్ మెక్‌కర్రీ అనే ఫొటోగ్రాఫర్ ఈ ఫొటో తీశారు. ప్రస్తుతం ఆమె పాకిస్థాన్‌లోని పెషావర్ దగ్గర్లోని నోథియాలో ఉంటున్నారు. పాకిస్థాన్‌లో తలదాచుకుంటున్న వేలాది మంది ఆప్ఘనిస్థాన్ శరణార్థుల్లో ఒకరిగా మిగిలిపోయారు. గులా 2014లో పాక్ గుర్తింపు కార్డు కోసం షర్బత్ బీబీ పేరుతో దరఖాస్తు చేసుకుందని అధికారులు నిర్ధారించారు. పాక్‌కు వలసవచ్చిన గులా పాకిస్తానీని వివాహమాడింది. ఆమెకు ముగ్గురు సంతానం ఉన్నారు.
