విమానం గాల్లో వుండగా లవ్ ప్రపోజ్ చేసి వాటేసుకున్నాడు... ప్రియురాలి వుద్యోగం ఊడింది...
లవ్ ప్రపోజల్స్ వెరైటీగా చేయాలని కొందరు ప్రేమ పక్షులు అనుకుంటూ వుంటారు. ప్రియురాలిని ప్రసన్నం చేసుకునేందుకు టైం కోసం ఎదురుచూస్తుంటారు. అదేదో అకస్మాత్తుగా లవ్ ప్రపోజ్ చేస్తే లవర్ ఐసైపోతుందని అనుకుంటారు. ఇది కొన్నిచోట్ల పాజిటివ్ అవుతుందేమోగానీ ఇప్పుడు చ
లవ్ ప్రపోజల్స్ వెరైటీగా చేయాలని కొందరు ప్రేమ పక్షులు అనుకుంటూ వుంటారు. ప్రియురాలిని ప్రసన్నం చేసుకునేందుకు టైం కోసం ఎదురుచూస్తుంటారు. అదేదో అకస్మాత్తుగా లవ్ ప్రపోజ్ చేస్తే లవర్ ఐసైపోతుందని అనుకుంటారు. ఇది కొన్నిచోట్ల పాజిటివ్ అవుతుందేమోగానీ ఇప్పుడు చెప్పబోయే చోట మాత్రం బెడిసికొట్టింది. ఫలితంగా ప్రియురాలి ఉద్యోగం ఊడింది.
వివరాల్లోకి వెళితే... చైనా ఈస్టర్న్ ఎయిర్‌లైన్స్‌కు చెందిన విమానం టేకాఫ్ తీసుకుని గాల్లో ఎగురుతూ వుంది. ఇంతలో అకస్మాత్తుగా ఓ యువకుడు తన సీట్లో నుంచి లేచి నేరుగా ఎయిర్ హోస్టెస్‌ వద్దకు వచ్చి ఐ లవ్ యూ అంటూ లవ్ ప్రపోజ్ చేశాడు. తన బాయ్ ఫ్రెండ్ విమానంలో ఇలా చెప్పేసరికి తొలుత షాకయిన ప్రియురాలు ఆ తర్వాత తేరుకుని ఓకే అనేసింది. అంతటితో ప్రియుడు ఆమెను కౌగలించుకున్నాడు. అలా వాళ్ల ప్రేమ సక్సెస్ అయ్యింది.
కానీ ఈ తతంగమంతా విమానంలో జరగడంతో విమానయాన శాఖ తీవ్ర ఆగ్రహాన్ని వ్యక్తం చేసింది. సదరు ఎయిర్ హోస్టెస్‌ను ఉద్యోగం నుంచి తొలగిస్తూ ఆదేశాలిచ్చింది. అలా బాయ్ ఫ్రెండ్ లవ్ యూ అని చెప్పినందుకు ప్రియురాలి ఉద్యోగం పోయింది.
