అమెరికాలో 17ఏళ్ల కుర్రాడు.. 14ఏళ్ల బాలికను సోషల్ మీడియా బేరం పెట్టాడు. ఈ ఘటనలో మియామీ పోలీసులు 17 ఏళ్ల కుర్రాడిని అరెస్టు చేశారు. అతను చేసిన నేరమేంటంటే... 14 ఏళ్ల బాలికని సోషల్ మీడియాలో బేరం పెట్టాడు. డబ్బు, మత్తు పదార్థాల కోసం ఈ పని చేశాడు.
ఇందులోనూ ఓ కండీషన్ పెట్టాడు. రోజుకు ఐదుగురితో ఆ బాలికను డేటింగ్‌కి వెళ్లాలన్నాడు. అలాగైతేనే... డబ్బు బాగా వస్తుందనీ... లైఫ్ స్టైల్ మొత్తం మారిపోతుందనీ... లేనిపోని కబుర్లు చెప్పి... ఆ బాలికను ఒప్పించాడు. ఆ బాలిక జూలైలో ఇంట్లోంచీ పారిపోయింది.
కుటుంబ సభ్యులు మిస్సింగ్ కంప్లైంట్ ఇవ్వలేదు. ఆగస్ట్ 11న ఆ బాలికను.. ఓ మోటెల్‌లో సెక్స్ కోసం వాడుకుంటున్నట్లు కుటుంబ సభ్యులకు తెలిసింది. పోలీసులకు కాల్ చేసి విషయం చెప్పారు.
ఇన్‌స్టాగ్రామ్‌లో ఓ అకౌంట్ ద్వారా... బాలికను సెక్స్ కోసం బుక్ చేసుకుంటున్నారని పోలీసులకు వివరించారు. దాంతో వెంటనే పోలీసులు ట్రాక్ చేసి... బాలికను కనిపెట్టారు. ఈ సందర్భంగా జరిపిన విచారణలో ఆ బాలికను గంటకు రూ.18,500 చొప్పున మనీ ఇచ్చారని వివరించింది.
ఆ క్వింటెరో మైనర్. బాలిక సంపాదించిన డబ్బుతో పారిపోయాడు. బాలికకు మత్తు పదార్థాలు ఇచ్చినట్లు పోలీసుల దర్యాప్తులో తేలింది. మనుషుల అక్రమ రవాణా, డేటింగ్ కేసుల్లో పోలీసులు క్వింటెరోను అరెస్టుచేశారు. అతన్ని జువెనైల్ కేంద్రానికి తరలిస్తామని తెలిపారు.
