ప్రపంచంలోని కోట్లాది మందికి దీపావళి ముఖ్యమైన పర్వదినం. అమెరికాలోనూ కొన్ని వేల కుటుంబాలు ఈ పండుగ జరుపుకుంటాయి.
ఇందుకోసం అమెరికాలో దీపావళిని దేశ వ్యాప్తంగా సెలవు దినంగా ప్రకటించేందుకు కాంగ్రెస్ సభ్యురాలు గ్రేస్ మేంగ్ ప్రతినిధుల సభలో "దివాళి డే యాక్ట్" పేరిట తాజాగా ఓ బిల్లును ప్రవేశపెట్టారు.
దీనిపై అమెరికాలో సర్వత్రా హర్షం వ్యక్తం అవుతోంది. ఈ బిల్లును అమెరికా చట్టసభలు ఆమోదిస్తే అధ్యక్షుడు ఆమోదముద్ర వేస్తారు. దీంతో, దీపావళికి అమెరికాలో 12వ దేశవ్యాప్త హాలిడేగా గుర్తింపు దక్కుతుంది.
ఈ బిల్లుకు అమెరికా కాంగ్రెస్ ఆమోదం కోసం గట్టి కృషి చేస్తానని బిల్లును ప్రతిపాదించిన గ్రేస్ మెంగ్ వెల్లడించారు. ఈ బిల్లుపై న్యూయార్క్ అసెంబ్లీ సభ్యురాలు జెన్నీఫర్ రాజ్‌కుమార్ హర్షం వ్యక్తం చేశారు
