లైంగిక టార్చర్ భరించలేకపోతున్నా.. చచ్చేలోపు సొంతూరికి చేర్చండి... ప్లీజ్
గల్ఫ్‌లో లైంగిక వేధింపులు భరించలేకపోతున్నాను. చచ్చేలోపు తనను సొంతూకురు చేర్చాలని ఓ మహిళ ప్రాధేయపడుతోంది. 18 నెలలుగా సౌదీ అరేబియాలోని భారతీయ ఎంబసీలో తల దాచుకొంటున్నా, స్వస్థలానికి చేరుకుంటానన్న ఆశ ఆమె
గల్ఫ్‌లో లైంగిక వేధింపులు భరించలేకపోతున్నాను. చచ్చేలోపు తనను సొంతూకురు చేర్చాలని ఓ మహిళ ప్రాధేయపడుతోంది. 18 నెలలుగా సౌదీ అరేబియాలోని భారతీయ ఎంబసీలో తల దాచుకొంటున్నా, స్వస్థలానికి చేరుకుంటానన్న ఆశ ఆమె కళ్లలో కనిపించడం లేదు. దీంతో దీనంగా ఆమె ప్రాధేయపడుతూ సొంతూరుకు చేర్చాలని కోరుతోంది. ఈ వివరాలను పరిశీలిస్తే..
కడప జిల్లా రాయచోటిలోని లక్కిరెడ్డిపల్లె కొత్తపేట కాలనీకి చెందిన కొత్తపేట గంగమ్మ సౌదీలోని ఓ సేఠ్‌ ఇంట్లో పనిచేయడం కోసం ఏడేళ్ల క్రితం ఊరు వదిలిపోయింది. ఏజెంటుకు లక్ష రూపాయలు చెల్లించి.. కువైట్‌కు చేరుకొంది. అక్కడ సేఠ్‌ ఇంట్లో కొంతకాలం పనిచేసింది. సౌదీలో ఉన్న తన బంధువుల ఇంట్లో పని మనిషి అవసరం పడటంతో.. గంగమ్మను ఆయన వారి వద్దకు పంపించాడు. కొత్త ప్రదేశంలో పని బాగా పెరిగిపోయింది.
దానికితోడు వేధింపులూ పెరిగాయి. జీతం సరిగా ఇవ్వకపోవడం, ఒక్కోసారి జీతం అడిగితే కొట్టడం చేయడంతో ఇక అక్కడ ఉండలేకపోయింది. తనను పాత సేఠ్‌ దగ్గరకు పంపించాలని అడిగినందుకు, తీవ్రంగా కొట్టి గంగమ్మను రోడ్డు మీదకు నెట్టేశారు. అపస్మారక స్థితిలో ఉన్న ఆమెను కొందరు స్థానిక భారతీయులు ఆసుపత్రికి తీసుకెళ్లి చికిత్స చేయించి, సౌదీలోని భారత రాయబార కార్యాలయానికి చేర్చారు. అప్పటినుంచి ఎంబసీలోనే ఆశ్రయం పొందుతోంది. తనను తన ఊరు పంపించాలని కనిపించిన అధికారినల్లా ప్రాధేయపడుతోంది.
