భయానకం, సింహం డెన్ లోకి వెళ్లిన వ్యక్తిని చంపేసిన మృగం (video)

జంతువులు వుండే జంతు ప్రదర్శన శాలలో ఓ భీతావహ సంఘటన జరిగింది. సింహం వుండే డెన్ లోకి ఓ వ్యక్తి ఆ జంతువును మరింత దగ్గరగా చూసేందుకు ఫెన్సింగ్ దూకి లోపలికి వెళ్లాడు. అలా ఫెన్సింగ్ దూకి లోనికి ప్రవేశిస్తున్న వ్యక్తిని చూసిన సింహం ఒక్క ఉదుటున అతడి వద్దకు పరుగెత్తింది. అతడు చెట్టు కొమ్మ పైనుంచి క్రిందికి జారడంతో అతడిపై పంజా విసిరింది.

ఆ వ్యక్తి పొదల్లో దాక్కునేందుకు ప్రయత్నించాడు. అయినప్పటికీ అతడిపై దాడి చేసి చంపేసింది. జూ సిబ్బంది అదుపు చేసేందుకు యత్నించే లోపుగానే అతడిని చంపి పీక్కుని తినేసింది. ఈ భయానక సంఘటన తాలూకు వీడియో సోషల్ మీడియాలో వైరల్ అవుతుంది. ఈ దారుణం బ్రెజిల్ దేశంలోని పార్క్ అరూడా కామరా జూలో జరిగింది.

జూలో సింహం డెన్లోకి వెళ్లిన వ్యక్తి..

బ్రెజిల్‌లోని పార్క్ అరూడా కామరా (BiCa) జూలో విషాదకర ఘటన జరిగింది. సింహాన్ని దగ్గరగా చూడాలనే ఉద్దేశంతో ఫెన్సింగ్‌ను దూకి ఓ వ్యక్తి సింహం బోనులోకి వెళ్లాడు. చెట్టు ద్వారా కిందకు దిగే ప్రయత్నం చేస్తుండగా, సింహం అతడిపై దాడి చేసి పొదల్లోకి… pic.twitter.com/RCNSGC4Ak8

— ChotaNews App (@ChotaNewsApp) December 1, 2025