ట్రంప్ విభజనవాది... అతడిని చిత్తుచిత్తుగా ఓడించండి... హిల్లరీ క్లింటన్ పిలుపు
అమెరికా అధ్యక్ష పదవుల రేసులో ఉన్న డొనాల్డ్ ట్రంప్, హిల్లరీ క్లింటన్ ల మాటల యుద్ధం సాగుతోంది. ఈమధ్యనే ఆమెకు అస్వస్థత కలగడంతో ఆసుపత్రిలో చికిత్స తీసుకుని బయటకు వచ్చారు. ఆ సమయంలో హిల్లరీ దేశాధ్యక్ష పదవికి పనికిరారనీ, అనారోగ్యంతో ఉన్న వ్యక్తి దేశాన్ని ఏల
అమెరికా అధ్యక్ష పదవుల రేసులో ఉన్న డొనాల్డ్ ట్రంప్, హిల్లరీ క్లింటన్ ల మాటల యుద్ధం సాగుతోంది. ఈమధ్యనే ఆమెకు అస్వస్థత కలగడంతో ఆసుపత్రిలో చికిత్స తీసుకుని బయటకు వచ్చారు. ఆ సమయంలో హిల్లరీ దేశాధ్యక్ష పదవికి పనికిరారనీ, అనారోగ్యంతో ఉన్న వ్యక్తి దేశాన్ని ఏలేందుకు అనర్హురాలంటూ వ్యాఖ్యానించారు.
అంతేకాదు... తాజాగా ఒబామా అమెరికాలో పుట్టలేదంటూ మరో బాంబు పేల్చారు. దీనిపై హిల్లరీ క్లింటన్ మండిపడ్డారు. ట్రంప్ విభజన వాది అంటూ విమర్శించారు. అమెరికా నుంచి ముస్లింలు, లాటిన్ అమెరికా ప్రజలను వెళ్లగొట్టాలన్నదే రిపబ్లికన్ పార్టీ అభ్యర్థి డొనాల్డ్ ట్రంప్ లక్ష్యమన్నారు. విభజనవాద రాజకీయాలు చేస్తున్న ట్రంపును చిత్తుచిత్తుగా ఓడించాలని పిలుపునిచ్చారు. యూఎస్ అధ్యక్షుడు ఒబామా అమెరికాలో పుట్టినట్లు ట్రంప్ అంగీకరించకపోవడం తప్పని వ్యాఖ్యానించారు.
