Select Your Language

Notifications

webdunia
webdunia
webdunia
webdunia

పెళ్ళికంటూ బయల్దేరి జైలు డాబాపై దిగిన హెలికాఫ్టర్.. పరుగులు తీసిన సిబ్బంది..

పెళ్ళి వేడుక కోసం హెలికాప్టర్‌లో బయల్దేరిన ఓ కుటుంబం.. నేరుగా కళ్యాణ మండపానికి వెళ్లకుండా జైలులోకి వెళ్ళిపోయింది. అంతే పోలీసులు చుట్టుముట్టారు. వారిని అదుపులోకి తీసుకుని దర్యాప్తు మొదలెట్టారు. ఎక్కడ న

Advertiesment
Helicopter
, శుక్రవారం, 11 ఆగస్టు 2017 (12:10 IST)
పెళ్ళి వేడుక కోసం హెలికాప్టర్‌లో బయల్దేరిన ఓ కుటుంబం.. నేరుగా కళ్యాణ మండపానికి వెళ్లకుండా జైలులోకి వెళ్ళిపోయింది. అంతే పోలీసులు చుట్టుముట్టారు. వారిని అదుపులోకి తీసుకుని దర్యాప్తు మొదలెట్టారు. ఎక్కడ నుంచి వచ్చారు.. ఎందుకు జైలు డాబాపై దిగారు అని ప్రశ్నల వర్షం కురిపించారు. చివరికి పెళ్ళి కోసం బయల్దేరి.. పైలట్ చేసిన తప్పిదం కారణంగా హెలికాప్ట‌ర్ జైలు డాబాపై ల్యాండ్ అయ్యిందని తెలుసుకుని ఊపిరి పీల్చుకున్నారు. 
 
వివరాల్లోకి వెళితే.. బంగ్లాదేశ్‌లోని కాశింపూర్‌ ప్రాంతంలో ఉన్న సెంట్రల్‌ జైలులో ఈ ఘటన జరిగింది. దీనిపై జైలు అధికారులు మాట్లాడుతూ.. ఆ జైలులో ఉగ్ర‌వాదులు ఉన్నార‌ని, వారిని తప్పించేందుకు దాడులు జ‌ర‌గ‌వ‌చ్చ‌ని ఇంటెలిజెన్స్‌ వర్గాలు హెచ్చరించాయని, దీంతో తాము మొద‌ట ఆ హెలికాప్ట‌ర్‌లో ఉన్న‌వారిని అదుపులోకి తీసుకుని విచారించామన్నారు. 
 
కానీ పైలట్‌ పొరపాటున కాశింపూర్‌ సెంట్రల్‌ జైలులో ఆ హెలికాప్టర్‌ను ల్యాండ్‌ చేశాడని తెలిపారు. హెలికాప్ట‌ర్‌లో ఉన్న ఐదుగురు ప్రయాణికులను, పైలట్‌ను అదుపులోకి తీసుకొని విచారించి అస‌లు విషయాన్ని తెలుసుకుని వ‌దిలిపెట్టిన‌ట్లు వెల్లడించారు.

Share this Story:

Follow Webdunia telugu

తర్వాతి కథనం

అత్త నాకిచ్చింది.. నన్నెవరూ పీకలేరు... టీటీవీ దినకరన్