డోనాల్డ్ ఒక పోరాట యోధుడు, అతను ఈ దేశాన్ని ప్రేమిస్తున్నాడు. ఆయన ప్రతిరోజూ మీ కోసం పోరాడుతాడు అని అమెరికా ప్రథమ మహిళ మెలానియా ట్రంప్ అన్నారు. తన భర్త కోసం తొలిసారి ఎన్నికల ప్రచారంలో పాల్గొన్నారు. అతన్ని 'పోరాట యోధుడు' అని ప్రశంసించారు.
కరోనా మహమ్మారి బాధితులకు మద్దతు ఇవ్వడంలో ట్రంప్ యోధుడు అని ప్రశంసల వర్షం కురిపించారు. 50 ఏళ్ల మెలానియా… ట్రంప్ తన భర్త ప్రచార కార్యక్రమాలలో చాలా అరుదుగా హాజరయ్యారు. కానీ ఆగస్టులో జరిగిన రిపబ్లికన్ పార్టీ నామినేటింగ్ సదస్సులో ఆమె చేసిన ప్రసంగానికి ప్రశంసలు వచ్చాయి.
ఈ నేపథ్యంలో డోనాల్డ్ ఒక పోరాట యోధుడు, అతను ఈ దేశాన్ని ప్రేమిస్తున్నాడంటూ పెన్సిల్వేనియాలోని నిర్వహించిన ఎన్నికల ప్రచారంలో వ్యాఖ్యానించారు. ఆమె గత వారం కరోనా నుంచి కోలుకున్నారు. 'మా కుటుంబం కోవిడ్ -19 తో బాధపడుతున్నప్పుడు మీరు మాకు ఇచ్చిన అన్ని ప్రేమ మరియు మద్దతుకు ధన్యవాదాలు' అని ఆమె తెలిపారు.
