కరోనా వైరస్‌కు పుట్టినిల్లు అయిన చైనా ఇపుడు అదే వైరస్ దెబ్బకు వణికిపోతోంది. స్టెల్త్ ఒమిక్రాన్ వైరస్ వ్యాప్తిగా తీవ్ర స్థాయిలో ఉంది. దీంతో చైనాలోని అనేక కీలక నగరాల్లో సంపూర్ణ లాక్డౌన్ అమలు చేస్తున్నారు.
ఒమిక్రాన్ ఉప వేరియంట్ అయిన స్టెల్త్ ఒమిక్రాన్‌గా పిలుస్తున్న బి.ఏ.2 కారణంగా పలు నగరాలు క్రమంగా లాక్డౌన్‌లోకి వెళ్లిపోతున్నాయి. అయితే, ఈ వేరియంట్‌తో మరణాలు సంభవించే అవకాశం పెద్దగా ఉండకపోవచ్చని వైద్య నిపుణులు అభిప్రాయపడుతున్నారు.
అయితే, పాజిటివ్ కేసుల సంఖ్య మాత్రం విపరీతంగా నమోదవుతున్నాయి. గడిచిన 24 గంటల్లో 1,337 కేసులు నమోదు కావడం, ఒక్క జిలిన్ ప్రావిన్స్‌లోనే 895 కేసులు వెలుగు చూడటంతో ప్రభుత్వం ఆంక్షలను కట్టుదిట్టం చేసింది. రాజధాని బీజింగ్‌లో ఆరు కేసులు, షాంఘైలో 41 పాజిటివ్ కేసులు నమోదయ్యాయి.
