అంతరిక్షంలో కూడా కూరగాయలు పండించవచ్చని అమెరికా అంతరిక్ష పరిశోధనా సంస్థ (నాసా)కు చెందిన కేట్ రూబిన్స్ అనే వ్యోమగామి నిరూపించింది. పైగా, ఈమె కృషి ఫలితంగా ముల్లంగిని పండించింది. తద్వారా భవిష్యత్తులో అంతరిక్షంలో కూడా కూరగాయలు పండించవచ్చని నిరూపించింది.
ఇటీవల నాసా ఓ ప్రయోగాన్ని చేపట్టింది. అదే.. అంతరిక్షంలో కూరగాయలను పండించడం. ఇంటర్నేషనల్‌ స్పేస్‌ సెంటర్‌లో(ఐఎస్‌ఎస్‌) మైక్రోగ్రావిటీ ఛాంబర్‌లో కేట్ రూబిన్స్ అనే వ్యోమగామి అక్కడి పరిస్థితులకు అనుగుణంగా ముల్లంగి మొక్కలను మొలిపించారు.
ఆ తర్వాత ముల్లంగి కూరగాయలు విజయవంతంగా వచ్చాయి. ముల్లంగి మొక్కలు ఉన్న ఛాంబర్‌ ఫొటోలను కేట్ రూబిన్స్ అనే వ్యోమగామి విడుదల చేశారు. చంద్రుడు, అంగారకుడి మీద కూడా గురుత్వాకర్షణ శక్తి చాలా తక్కువ ఉంటుందన్న విషయం తెల్సిందే.
కాగా, ఈ ప్రయోగం ద్వారా భవిష్యత్తులో వ్యోమగాములకు తాజా ఆహారం అందించవచ్చని శాస్త్రవేత్తలు భావిస్తున్నారు. వచ్చేఏడాది ఈమొక్కలను భూమి మీదకు తీసుకురానున్నారు. ముల్లంగి వేగంగా పెరగడంతో పాటు శాస్త్రీయ అధ్యయనానికి సులభంగా ఉంటుంది.
