ప్రపంచ కుబేరుల్లో ఒకరైన మైక్రోసాఫ్ట్ అధినేత బిల్ గేట్స్ భార్య మిలిందా గేట్స్ ఇపుడు ఓ రిపోర్టర్‌తో డేటింగ్ చేస్తుంది. బిల్ గేట్స్ - మిలిందా గేట్స్‌లు తమ 27 యేళ్ల వైవాహిక బంధానికి తెగదెంపులు చేసుకున్న విషయం తెల్సిందే. వీరిద్దరూ గత 1994లో పెళ్లి చేసుకున్నారు. ఆ తర్వాత విడాకులు తీసుకుని ప్రతి ఒక్కరికీ తేరుకోలేని షాకిచ్చారు.
ఈ క్రమంలో తాను బిల్ గేట్స్‌తో తెగదెంపులు చేసుకున్న తర్వాత తీవ్ర మనోవేదనకు గురయ్యానంటూ మిలిందా గేట్స్ ఓ ఇంటర్వ్యూలో వ్యాఖ్యానించారు. ఈ నేపథ్యంలో ఆమె మరోమారు ప్రేమలోపడినట్టు సమాచారం.
58 యేళ్ల మిలిందా 60 యేళ్ల మాజీ టీవీ రిపోర్టర్ జూన్ డ్యూ ప్రీతో డేటింగ్ చేస్తున్నారంటూ వార్తలు హల్చల్ చేస్తున్నాయి. గత కొంతకాలంగా వీరిద్దరూ రిలేషన్‌షిప్‌లో ఉన్నారంటూ ఓ ఆన్‌లైన్ మీడియా సంస్థ తన కథనంలో పేర్కొంది. వీరిద్దరూ కలిసి ఇప్పటికే పలుమార్లు వీడియో కంటికి కనిపించారు.
మరోవైపు, కథనాలపై మిలిందా కానీ, జా డ్యూ ప్రీ కాని ఇంతవరకు స్పందించలేదు. దీంతో ఈవార్తలకు మరింత బలం చేకూరుతుంది. కాగా, బిల్ గేట్స్, మిలిందాలకు ముగ్గురు సంతానం ఉన్న విషయం తెల్సిందే.
