కామాతురాణాం న భయం న లజ్జా… కామపు కోరిక కలిగినవారికి భయము సిగ్గు అనేవి ఉండవు అనేది నిజం. ఇలా సిగ్గూ, భయం సంగతి ఏమోగానీ, కన్నకుమార్తెను సైతం వదిలేసి ఆ పాప మృతికి కారణమైంది ఓ తల్లి. ఈ ఘటన మిస్సిసిపీలో జరిగింది. 29 ఏళ్ల బార్కర్ అనే మహిళ తన మూడేళ్ల పాపను తీసుకుని షాపుకు వెళ్లింది. షాపులోకిని వస్తూ పాపను కారు లోపలే వుంచి లాక్ చేసి వెళ్లింది.
ఐతే ఆ షాపు సూపర్‌వైజర్‌తో వివాహేతర సంబంధం వుండటంతో అతడు కాస్తా ఆమెను శృంగారపరంగా రెచ్చగొట్టాడు. దీనితో ఆమె అతడితో శృంగారంలో పాల్గొంటూ గదిలోనే వుండిపోయింది. శృంగారం ముగిశాక అతడితో కలిసి బెడ్ పైనే నిద్రపోయింది కూడా. రెండుమూడు గంటల తర్వాత మేల్కున్న ఆమెకు తన బిడ్డ విషయం గుర్తుకు వచ్చి పరుగున వెళ్లి కారు డోర్ తెరిచి చూసింది. ఆ సమయంలో బయట విపరీతంగా ఎండ అదరగొడుతోంది. కారులో అగ్గి రాజేసినట్లుంది. బిడ్డను చూడగా ఉలుకుపలుకూ లేకుండా పడిపోయి వుంది.
సమీపంలోని ఆసుపత్రికి తీసుకెళ్లి జరిగిన విషయం చెప్పింది బార్కర్. తీవ్రమైన ఎండవేడి కారణంగా కారులోనే ఉక్కిరిబిక్కిరై ఆ పాప ప్రాణాలు కోల్పోయినట్లు వైద్యులు నిర్థారించారు. ఇది కాస్తా పోలీసులకు తెలియడంతో ఆమెను అరెస్టు చేశారు. కేసు పూర్వాపరాలు విన్న న్యాయమూర్తి ఆమెకు 20 ఏళ్ల జైలు శిక్ష విధించినట్లు సన్ హెరాల్డ్ పత్రిక వివరించింది.
