మెక్సికోలో కరోనా ఉధృతి తీవ్రంగా ఉంది. ప్రస్తుతం అక్కడ 2,26,089 కోవిడ్ పాజిటివ్ కేసులు నమోదవ్వగా 27,769 మంది మృతి చెందారు. ఇలాంటి పరిస్థితుల్లో మెక్సికోలో కొందరు దుండగులు మారణహోమం సృష్టించారు. ఈ ఘటన గువానాహువాటో రాష్ట్రం ఇరాపూవాటోలోని మాదకద్రవ్యాల బాధితుల పునరావాస (డ్రగ్స్‌ డీఅడిక్షన్‌) కేంద్రంపై ఈ దాడిలో ఏకంగా 24 మంది మృతి చెందారు.
అలాగే మరో ఏడుగురికి తీవ్ర గాయాలవ్వగా, ముగ్గురి పరిస్థితి విషమంగా ఉంది. కాగా ఈ ఘటనపై స్పందించిన పోలీసులు.. ఈ కాల్పుల వెనుక కారణాలు ఇంకా తెలియరాలేదని, స్టానిక డ్రగ్ సరఫరాదారుల ముఠాకు సంబంధం ఉండవచ్చని అధికారులు అనుమానిస్తున్నారు.
ఇరపువాటలో నెల రోజుల వ్యవధిలో ఇది రెండో ఘటన కావడం గమనార్హం. జూన్‌ 6న కూడా పునరావస కేంద్రంపై ఓ ఆగంతకుడు కాల్పులకు తెగబడటంతో 10 మంది మరణించారు. గతంలో 2010లో చివావా నగరంలోని డ్రగ్స్‌ డీఅడిక్షన్‌ సెంటర్‌పై ఇదేవిధంగా కాల్పులు జరిపారు. ఈ ఘటనలో 19 మంది మృతి చెందారు.
