పాలకూరతో పలావ్ తయారు చేసుకోవడం ఎలా?
పాలకూరలో ఆరోగ్యానికి మేలు చేసే ఎన్నో పోషకాలు దాగివున్నాయి. పాలకూరను వారానికి రెండుసార్లు తీసుకుంటే ఊబకాయానికి చెక్ పెట్టవచ్చు. అలాంటి పాలకూరతో పలావ్.. మంచి టేస్ట్‌ను ఇస్తుంది. అదెలా చేయాలంటే.. కావాలసిన పదార్థాలు:బాస్మతి రైస్ : రెండు కప్పులు పాలకూర తరుగు : ఒక కప్పు స్వీట్ కార్న్ : అరకప్పు తాలింపునకు : ఒక టీ స్పూన్- జీలకర్ర, అర టీస్పూన్- ఇంగువ, ఒక ఉల్లిపాయ, ఒక టేబుల్ స్పూన్ వెల్లుల్లి ముక్కలు, పచ్చిమిర్చి.. అర టీస్పూన్, పసుపు- చిటికెడు. ఉప్పు-తగినంత, అంచుర్ పొడి- ఒక టేబుల్ స్పూన్. తయారీ విధానం: మూకుడులో నూనె వేడిచేసి జీలకర్ర వేసి చిటపటలాడాక ఇంగువ, ఉల్లిపాయ ముక్కలను వేసి వేయించాలి. పచ్చి మిరపకాయ ముక్కలు, పసుపు వేసి వేపాలి. పాలకూర తరుగు వేసి సెగ తగ్గించాలి. ఉప్పు, అంచుర్ పొడి, ఉడికించిన అన్నం, స్వీట్ కార్న్ వేసి బాగా కలియబెట్టి వేడి వేడిగా కడాయ్ చికెన్, కడాయ్ పనీర్‌తో సర్వ్ చేస్తే మాంచి రుచిగా ఉంటుంది.
