చల్లటి వాతావరణంలో "పుదీనా రైతా" పసందు..!

కావలసిన పదార్థాలు :
తాజా పెరుగు.. రెండు కప్పులు
తేనె.. రెండు టీ.
పుదీనా పేస్ట్.. ఒక టీ.
పచ్చిమిర్చి, ఉల్లిపాయ తరుగు.. కప్పునిండా
ఉప్పు.. తగినంత
పంచదార.. ఒక టీ.
కొత్తిమీర తురుము.. రెండు టీ.
అలంకరణకు.. కాసిన్ని పుదీనా ఆకులు

తయారీ విధానం :
పెరుగును బాగా గిలకొట్టాలి. అందులో పుదీనా ఆకులు తప్ప పైన చెప్పుకున్న పదార్థాలన్నింటినీ వేసి బాగా కలియబెట్టాలి. తీపి ఇంకాస్త ఎక్కువగా కావాలనుకునేవారు మరో టీస్పూన్ పంచదార కలిపితే సరిపోతుంది. ఇక వడ్డించేముందుగా పుదీనా ఆకులతో గార్నిష్ చేసి సర్వ్ చేస్తే రుచికరమైన పుదీనా రైతా తయార్..!

అసలే చల్లటి వాతావరణం.. ఇక సాయంత్రాల్లో వేడి వేడి బిర్యానీ లేదా ఫ్రైడ్‌రైస్ లేదా ఓ కప్పు పుదీనా రైతా ఉంటే పండగే పండుగ. అందుకే ఈ వెరైటీని మీరూ ఓసారి ట్రై చేసి చూడండి మరి...!!