ఆకలి వేస్తుంది కదా అని ఏదిబడితే అది తినేస్తుంటే శరీరంలో మార్పులు వచ్చేస్తాయి. ముఖ్యంగా వయసుకి తగ్గట్లుగా కాకుండా త్వరగా వృద్ధాప్యాన్ని సమీపిస్తున్నట్లుంటుంది కొందరిలో. కనుక అలా కాకుండా వయసు పెరిగినా యవ్వనంగానూ, ఎక్కువకాలం జీవించేలా చేసే ఆహారం, అలవాట్లు ఏమిటో తెలుసుకుందాము.
బ్రోకలీ, క్యాబేజీ, అవకాడో, దోసకాయ, టొమాటో వృద్ధాప్యంతో ముడిపడి ఉన్న జన్యు మార్పులను నివారించి యవ్వనంగా వుండేలా చేస్తాయి.
ఉసిరికాయలు దీర్ఘాయువును ఇస్తాయంటారు, రోజూ 4 చెంచాల ఉసిరి రసం తాగుతుంటే వృద్ధాప్య ప్రక్రియను అడ్డుకుంటుంది.
పసుపులో వున్న కర్కుమిన్ అనే యాంటీ ఆక్సిడెంట్ ఆయుష్షును పెంచడంలో సహాయపడుతుంది.
యాంటీవైరల్, యాంటీఆక్సిడెంట్, యాంటీ బాక్టీరియల్ లక్షణాలున్న వెల్లుల్లి రోగనిరోధక శక్తిని పెంచి ఆయుర్దాయాన్ని పెంచుతుంది.
క్రాన్బెర్రీస్, బ్లూబెర్రీస్, స్ట్రాబెర్రీస్ వంటి బెర్రీలు తింటుంటే దీర్ఘాయువు కలిగి ఆరోగ్యంగా వుంటారు.
వాల్‌నట్స్, బాదం, పిస్తా వంటి గింజలు తింటే జీవితకాలం పొడిగించడానికి సహాయపడతాయి.
అవిసె గింజలు, చియా గింజలు, నువ్వులు వంటి విత్తనాలు తింటే అనేక ఆరోగ్య ప్రయోజనాలను అందిస్తాయి.
జీవితానికి అమృతంగా పరిగణించబడే తులసి రోగనిరోధక శక్తిని పెంచే మూలికగా చెప్పబడింది.
ఆరోగ్యంగా వుండాలంటే ఎక్కువసేపు కూర్చోవడం మానేయాలి, కూర్చున్న ప్రతి 20 నిమిషాలకు, కనీసం 8-10 నిమిషాలు నిలబడాలి.
ప్రతిరోజూ నడక తప్పనిసరి, సానుకూల దృక్పథం, సంతోషంగా వుండాలి, బాగా నిద్రపోవాలి.
