ప్రస్తుత కాలంలో చిన్న వయసులోనే చాలా మందిని వేదిస్తున్న సమస్య జుట్టు తెల్లబడడం. మనం తీసుకునే ఆహారం, వాతావరణ కాలుష్యం మరియు ఇతర ఆరోగ్య సమస్యల కారణంగా కూడా ఇలా జరుగవచ్చు. సహజ పద్దతుల్లో కొన్ని చిట్కాల ద్వారా మనం ఈ సమస్యను నివారించుకోవచ్చు. అవేంటో చూద్దాం.
1. ఉసిరిపొడి చేసుకుని అందులో నిమ్మరసం కలిపి పేస్ట్‌లాగా చేసుకోవాలి. దానిని ప్రతిరోజూ తలకు రాసుకుని రెండు గంటలాగి తలస్నానం చేయాలి. ఇలా తరచూ చేస్తూ ఉంటే తెల్ల జుట్టు నల్లగా మారుతుంది.
2. కొబ్బరినూనెలో నిమ్మరసం కలిపి రోజూ ఈరసం తలకు రాసుకుంటే జుట్టు నల్లగా మారుతుంది. అలాగే తెల్ల జుట్టు రాకుండా ఉంటుంది.
3. ఉల్లిగడ్డను మెత్తగా మిక్సీ వేయాలి. ఈ పేస్టును తెల్ల వెంట్రుకలు ఉన్నచోట రాయాలి. రెండు గంటలు ఆగిన తరువాత షాంపూతో తలస్నానం చేస్తే సరిపోతుంది. ఇలా తరచుగా చేయడం వలన మంచి ఫలితం ఉంటుంది.
4. నువ్వులను మిక్సీలో వేసి పేస్టు చేయాలి. ఇందులో బాదం ఆయిల్ కలిపి దీనిని తరచూ తలకు రాస్తుండాలి. ఇలా చేయడం వలన తెల్ల జుట్టు నల్లగా మారుతుంది.
5. అలాగే ప్రతిరోజూ క్యారెట్ జ్యూస్ తాగడం వలన కూడా జుట్టు నల్లబడుతుంది. మనం తీసుకునే ఆహారంలో ప్రోటీన్స్, విటమిన్ బి12 ఎక్కువగా ఉండాలి.
