వేసవిలో పెరుగు, కీరదోస, పాలుతో ఫేస్ ప్యాక్ వేసుకుంటే సన్ టాన్‌ను నివారించవచ్చు. పెరుగు శరీరానికి చల్లదనాన్ని ఇవ్వడమే కాకుండా సన్ టాన్‌తో పోరాడి, చర్మాన్ని కూల్‌గా ఉంచుతుంది. వేసవిలో చర్మం మెరుగవ్వాలంటే.. పెరుగుతో ఫేస్ ప్యాక్ వేసుకోవడం చాలా అవసరం. పాలు పొడి చర్మానికి అద్భుతంగా పనిచేస్తాయి. ఇంకా చర్మాన్ని టైట్ చేస్తుంది. మాయిశ్చరైజ్‌గా ఉంటుంది. అలాగే పాలతో రెగ్యులర్‌గా మసాజ్ చేయడం వల్ల చర్మం రంగు మారుతుంది.
ఇకపోతే కీరదోస కాయతో ముఖాన్ని మసాజ్ చేసి మెరిసే చర్మ సౌందర్యాన్ని సొంతం చేసుకోవచ్చు. పుచ్చకాయ కూడా చర్మానికి చల్లదనాన్ని ఇవ్వడంతో పాటు, తాజాగా ముఖం కనబడేలా చేస్తుంది. మెరిసే చర్మాన్ని నేచురల్‌గా పొందాలనుకుంటే ఈ పుచ్చకాయను అధికంగా తినాలి. తినడంతో పాటు ముఖానికి మాస్క్‌లా వేసుకోవాలి. అలాగే వేసవిలో టమోటా రసం ముఖంలోని సన్నని గీతలు మరియు ముడుతలను తగ్గిస్తుంది. సన్ టాన్‌తో పోరాడే శక్తిని కూడా కలిగి ఉండి, చర్మానికి రక్షణ కల్పిస్తుంది. కాబట్టి టమోటోతో ఫేస్ ప్యాక్ వేసుకోవడం చాలా మంచిదని బ్యూటీషన్లు అంటున్నారు.
