ఆకుకూరలు ఆరోగ్యానికి చాలా మంచిదని మనకు తెలుసు. ఇవి కంటి చూపుకు చాలా మంచిది. శరీరానికి కావలసిన పోషకాలను కూడా పుష్కలంగా అందిస్తాయి. అనేక ఆకుకూరల లాగానే మెంతి కూర వలన కూడా చాలా ఆరోగ్య ప్రయోజనాలున్నాయి. లివర్ సమస్యలను తొలగించడంలో మెంతికూర చక్కగా పనిచేస్తుంది. శ్వాసకోశ సమస్యలు తొలగిపోతాయి.
మెంతికూర రక్తంలోని లిపిడ్ లెవల్స్‌పై మెరుగైన ప్రభావం చూపుతుంది. చెడు కొలెస్ట్రాల్‌ను తగ్గించడంలో సమర్థవంతంగా పనిచేస్తుంది. ఈ ఆకులను నీటిలో రాత్రంతా నానబెట్టి ఉదయాన్నే ఆ నీటిని వడగట్టి తీసుకుంటే అనారోగ్యం రాకుండా ఉంటుంది. డయాబెటిస్‌ను నయం చేయడంలో బాగా పనిచేస్తుంది. మెంతి కూరలోని ఔషధ కారకాలు రక్తం గడ్డకట్టకుండా కాపాడుతాయి.
గుండె సంబంధ వ్యాధులు రాకుండా కాపాడతాయి. ఈ మెంతికూరలో యాంటీ ఆక్సిడెంట్స్ పుష్కలంగా ఉన్నాయి. ఇవి శరీర కణజాలాన్ని రక్షిస్తాయి. చర్మాన్ని ప్రకాశవంతంగా చేయడంలో మెంతి కూర చక్కగా ఉపయోగపడుతుంది. ఈ మెంతి ఆకులను నూరి జుట్టుకు రాసుకుని అరగంట తరువాత తలస్నానం చేస్తే వెంట్రుకలు ఒత్తుగా పెరుగుతాయి.
