పిల్లలూ...! ఇంట్లో అమ్మావాళ్లు వేసుకునే నగల్లో ముత్యాలు, పగడాలు అని చెప్పుకోవడం వినే ఉంటారు. అసలు పగడం అంటే అందరూ అనుకునేటట్లుగా రాయి కాదు. అలా కనిపించే ఓ చిన్న సముద్ర జీవి. పగడం బయటవైపు అస్థిపంజరం ఉండి లోపల జీవి నివసిస్తుంటుంది.
ఈ జీవి చాలా సున్నితమైంది. పగడం చనిపోయినా అస్థిపంజరం మాత్రం చెక్కు చెదరకుండా ఉంటుంది. ఇవి గుంపులు గుంపులుగా లక్షల సంఖ్యలో నివాసం ఏర్పరచుకుంటాయి. పగడపు దీవులు... పువ్వులు, ఫ్యాన్, వేళ్లు లేదా భారీ మెదడు ఆకారాల్లో ఉంటాయి.
ఈ పగడపు దీవులు సముద్ర తీర ప్రాంతానికి దగ్గర్లోనే ఉంటాయి. మనం తరచుగా వినే నవరత్నాలో పగడం కూడా ఒకటి కావడం విశేషంగా చెప్పుకోవచ్చు.
