పిల్లలూ...! పెద్ద పెద్ద కనుగుడ్లతో ఉండే గుడ్లగూబ గురించి మీకు తెలిసే ఉంటుంది. ఇది చూపులతోనే మనుషుల్ని భయపెడుతుందని పెద్దవాళ్లు మీకు చెప్పే ఉంటారు. అసలు గుడ్లగూబ నిజంగా మనల్ని భయపెట్టేందుకే అలా చూస్తుందా? లేదా? అనే విషయాన్ని ఇప్పుడు మనం తెలుసుకుందాం..!
నిజానికి గుడ్లగూబ తన చూపులతో మనల్ని భయపెట్టాలని అనుకోదు. ఎందుకంటే... దాని కళ్ల నిర్మాణం కనుగుడ్లను గుండ్రంగా తిప్పడానికి వీలు లేకుండా ఉంటుంది. ఈ కారణంతో గుడ్లగూబ కనుగుడ్లను తిప్పకుండా.. నేరుగా మనవైపే చూడటం వల్ల భయంకరంగా కనిపిస్తుందంతే..!
ఇకపోతే... ఈ గుడ్లగూబలు క్రిమి కీటకాలతో పాటుగా చిన్న చిన్న ప్రాణులను ఆహారంగా తీసుకుంటాయి. పాపం వీటికి గూడు కూడా ఉండదు తెలుసా..! కాగా, ఇవి రెండు మూడు రోజులకోసారి గుడ్లు పెడతాయి. వీటికి ముందు రెండు, వెనుక రెండు బొటనవేళ్లు ఉండటం వల్ల కాళ్లు చాలా దృఢంగా ఉంటాయి.
