హాయ్ పిల్లలూ...! మనం రోజులో దాదాపు ఎనిమిది గంటలపాటు నిద్రపోతాం కదా. అయితే జంతువులు ఎంత సమయం నిద్రపోతాయో ఇప్పుడు తెలుసుకుందాం.
* కుక్కలు, పిల్లులు రోజులో 13 నుంచి 16 గంటలసేపు నిద్రపోతూనే ఉంటాయి. అయితే అవి మనలాగా ఏకబిగిన కాకుండా, విడతలు విడతలుగా నిద్రపోతాయి.
* మొసలికయితే 18 గంటల నిద్ర ఖచ్చితంగా కావాల్సి ఉంటుంది. ఇక జిరాఫీలయితే కేవలం ఆరు గంటలసేపే నిద్రపోతుంటాయి.
* గబ్బిలానికి 19 గంటల నిద్ర ఉండాల్సిందే. అది తలక్రిందులుగా వ్రేలాడుతూ కూడా నిద్రపోగలదు.
* గుర్రానికి చాలా తక్కువ గంటలు.. అంటే 3 గంటల నిద్రయితే సరిపోతుంది. గుర్రం నిల్చుని కూడా నిద్రపోతుంటుంది.
* ఆవుకు మనుషుల్లాగే ఎనిమిది గంటల నిద్ర సరిపోతుంది. ఏనుగుకయితే 4 లేదా 5 గంటలు నిద్రపోతాయి. అది కూడా విడతలు విడతలుగా నిద్రిస్తాయి.
* ఇక చివరగా... జంతువుల రారాజు సింహం అయితే ఆహారం లభించే తీరును బట్టి నిద్రకు సమయం కేటాయిస్తుంటుంది. ఆహారం దొరికే ప్రకారంగా తీసుకుంటే... రోజుకు 8 నుంచి 14 గంటల సేపు దీనికి నిద్ర అవసరం అవుతుంది.
