వజ్రమును కుడిచేతి ఉంగరపు వేలుకు ధరించాలి

FILE

వజ్రమును బంగారములో పొదిగించుకుని, కుడిచేతి ఉంగరపు వేలుకు ధరించడం ద్వారా ధరించిన రోజు నుంచి ఏడు సంవత్సరాల వరకు పనిచేస్తుంది. పచ్చిపాలతో గాని, గంగాజలములోగాని ఒక రోజు వుంచాలి. శివాలయాల్లో నవగ్రహముల మండపంలోని శుక్రుని విగ్రహము వద్ద ఉంగరము ఉంచి శుక్రుని అష్టోత్తరము చేయించి 1 1/4 కేజీల బొబ్బర్లు తెల్లని వస్త్రములో దానం చేయగలరు.

శుక్రవారం ఉదయం ఆరు గంటల నుంచి ఏడు గంటల లోపుగా శివాలయంలో ఏకాదశ రుద్రాభిషేకములో ఉంగరము ఉంచి శుద్ధి చేయగలరు. బ్రాహ్మణుడితో 20వేల సార్లు శుక్రుని వేదమంత్రం జపము చేయించి ఉంగరమునకు ధారాదత్తం చేయగలరు.

శ్రీ లక్ష్మీ క్షేత్రములు దర్శించినప్పుడు ఉంగరమునకు పూజ చేయించగలరు. కనీసం ధరించే వ్యక్తి శుక్ర ధ్యాన శ్లోకము 200 సార్లు పారాయణ చేసి ధరించగలరు.

ధరించవలసిన సమయం: శుక్రవారం, భరణి, పుష్యమి, పూర్వఫల్గుణీ, పూర్వాషాఢ నక్షత్రాల రోజున ధరించగలరు.

దానం చేయవలసినవి : పెరుగు, వెండి, పటిక, బొబ్బర్లు, నెయ్యి.

ధారణ ఫలితములు : వంశవృద్ధి, ధనలక్ష్మిప్రాప్తి, సంపదలో వృద్ధి, వైవాహిక సుఖాలు, సంతానవృద్ధి కలుగును.