బొజ్జల మంత్రి పదవి ఎందుకు పోయిందో తెలుసా...?
మంత్రి బొజ్జల. వివాద రహితుడు. తెలుగుదేశంపార్టీ పాత కేబినెట్ లో సీనియర్ గా ఉన్న ఎమ్మెల్యే. టిడిపి హయాంలో ఇచ్చిన శాఖ కూడా ఫారెస్ట్. శాఖల్లోను ఈ శాఖకు ఎంతో ముఖ్యమైనది. సిఎం చంద్రబాబునాయుడు సొంత జిల్లా కావడంతో ఆయనే ఏరికోరి మరీ బొజ్జలకు ఈ శాఖను కేటాయించా
మంత్రి బొజ్జల. వివాద రహితుడు. తెలుగుదేశంపార్టీ పాత కేబినెట్ లో సీనియర్ గా ఉన్న ఎమ్మెల్యే. టిడిపి హయాంలో ఇచ్చిన శాఖ కూడా ఫారెస్ట్. శాఖల్లోను ఈ శాఖకు ఎంతో ముఖ్యమైనది. సిఎం చంద్రబాబునాయుడు సొంత జిల్లా కావడంతో ఆయనే ఏరికోరి మరీ బొజ్జలకు ఈ శాఖను కేటాయించారు. అయితే గోపాలక్రిష్ణారెడ్డి ఆరోగ్యం బాగా లేదు కాబట్టే మంత్రి పదవి నుంచి తొలగించామని అధిష్టానం చెబుతోంది. అసలు మంత్రి పదవికి పోవడానికి ప్రధాన కారణమేమిటో ఇప్పటికీ చాలామందికి తెలియదు.
బొజ్జల భార్య బృందమ్మ. కుమారుడు సుధీర్ రెడ్డి. బొజ్జల గోపాలక్రిష్ణారెడ్డి మంత్రి పదవి అలంకరించినప్పటి నుంచీ వీరిదే హవా. ఆ పదవిని దుర్వినియోగం చేశారన్నది వీరిపై ఆరోపణ. ఏ పనినైనా సునాయాసంగా చేస్తూ అవితీని, అక్రమాలకు వీరిద్దరు పాల్పడ్డారని స్వయంగా టిడిపి నేతలే బాబు చెవిలో వేశారనే విమర్శలు కూడా వున్నాయి. కానీ బొజ్జల మాత్రం ఎలాంటి విషయాల్లో కలుగజేసుకోరు.
ఆయన కుటుంబ సభ్యులే ఇవన్నీ చేస్తుంటారని బాబుకు చెప్పారు కొంతమంది నేతలు. దీంతో మంత్రి పదవి కాస్త ఊడిపోవడానికే అదే కారణమైంది. పెత్తనం మొత్తం భార్య, కొడుకు చేతిలో ఉంటే బొజ్జల ఏం చేస్తారన్నది ముఖ్యమంత్రి అభిప్రాయం. అందుకే ఏ మాత్రం ఆలోచించుకుండా బొజ్జలను పీకిపడేశారని రాజకీయ విశ్లేషకులు చెబుతున్నారు. అయితే తాజా మాజీ మంత్రి కుటుంబ సభ్యులు మాత్రం తీవ్ర ఆగ్రహం వ్యక్తం చేస్తున్నారు బాబు వ్యవహారశైలిపై.
ఎవరో చెప్పుడు మాటలు విని మంత్రి పదవి నుంచి బొజ్జల గోపాలక్రిష్ణారెడ్డిని తొలగించడమేమిటని ప్రశ్నిస్తున్నారు. బాబు కూర్చున్న చెట్టును నరుక్కునే రకమని మండిపడ్డారు బొజ్జల సోదరుడు హరినాథరెడ్డి. అవినీతి, అక్రమాలకు పాల్పడినట్లు బాబు నిరూపించగలడా అని సవాల్ కూడా విసిరారాయన. ఇప్పుడెవరు ఎన్ని సవాల్ లు ప్రతిసవాళ్ళు విసురుకున్నా పోవాల్సింది కాస్త పోయిన తరువాత ఎంత మాట్లాడినా ఏం లాభమంటున్నారు రాజకీయ విశ్లేషకులు.
