అమెరికా... అనగానే డాలర్ల వర్షం, సంపాదనకు నెలవు అనేది చాలామంది అభిప్రాయం. అందుకే అక్కడికి వెళ్లి నాలుగు రాళ్లు వెనకేసుకుని ఇండియా తిరిగి వచ్చి ఓ ఇల్లు గట్రా అన్నీ కొనుక్కుని కాలు మీద కాలేసుకుని సెటిలైపోతుంటారు. కానీ కొంతమంది మాత్రం అక్కడికి వెళ్లిన పనిని మర్చిపోయి పెడదారిలో పడిపోతారు. ఇలాంటిదే జరిగింది.
వివరాల్లోకి వెళితే... అమెరికాలోని ఒమాహాలో నివశిస్తున్నాడు సెల్వరాజ్. అక్కడ ఉద్యోగం చేసేందుకు వెళ్లిన ఇతగాడు సెక్స్ కోసం వెంపర్లాడాడు. ఈ క్రమంలో 2020 అక్టోబర్ 26 నుంచి నవంబర్ 4 మధ్య మైనర్ బాలికలను ట్రాప్ చేసేందుకు ప్రయత్నించాడు. ఆన్లైన్లో ఓ సైట్‌ను ఫాలో అయ్యాడు. అందులో వున్న నెంబరుకి మెసేజ్ చేసాడు. ఐతే ఆ నెంబరు పెట్టింది పోలీసులే కావడంతో ఇరుక్కున్నాడు. కానీ వారు మాత్రం 15 ఏళ్ల బాలికలా సమాధానం ఇచ్చారు.
ఇద్దరు బాలికలు కావాలనీ, రూ. 12 వేలు చెల్లిస్తాననీ, తనకు ఓరల్ సెక్స్ కావాలని బేరం కుదుర్చుకున్నాడు. ఈ హోటల్ అడ్రెస్ చెప్పి అక్కడికి రమ్మన్నాడు. ఆ హోటల్ దగ్గరికి వెళ్లగానే ఎదురుగా పోలీసులు నిలబడి వున్నారు. నేరుగా వచ్చి అతడిని అదుపులోకి తీసుకుని కోర్టులో ప్రవేశపెట్టారు. విచారించిన కోర్టు అతడికి పదేళ్ల జైలు శిక్ష విధించడంతో పాటు ఐదేళ్ల పాటు పోలీసుల పర్యవేక్షణలో వుండాలని ఆదేశించింది. ఆ తర్వాత దేశ బహిష్కరణ చేయాలని సూచించింది.
